ଆସୁଛି ‘ଓଲେ ଓଲେ ଦିଲ୍ ବୋଲେ’

ଭୁବନେଶ୍ୱର(ଓଡ଼ିଶା ରିପୋର୍ଟର): ଗୀତାଞ୍ଜଳି ପ୍ରଡକ୍ସନ ବ୍ୟାନରରେ ନିର୍ମିତ ହେବାକୁ ଯାଉଛି ଫିଲ୍ମ ‘ଓଲେ ଓଲେ ଦିଲ୍ ବୋଲେ’। ଏଥିରେ ମୁଖ୍ୟ ଭୂମିକାରେ ରହିଛନ୍ତି ଅଭିନେତା ଜ୍ୟୋତି ଓ ଅଭିନେତ୍ରୀ ଝୀଲିକ୍। ଏଥିସହ ସିଦ୍ଧାନ୍ତ ମହାପାତ୍ର, ବିଜୟ ମହାନ୍ତି, ଚୌଧୁରୀ ବିକାଶ ଦାସ ଓ ପ୍ରତିଭା ସାହୁ ଭଳି ପ୍ରମୁଖ କଳାକରଙ୍କୁ ମଧ୍ୟ ଏହି ଫିଲ୍ମରେ ଦେଖିବାକୁ ମିଳିବ।


ମଞ୍ଚରୁ ଟେଲି ସିରିଏଲ କ୍ଷେତ୍ରରେ ନିଜ ନିର୍ଦ୍ଦେଶନା ନୈପୁଣ୍ୟ ପ୍ରଦର୍ଶନ କରିଥିବା ସଂଗୀତ ମହାବିଦ୍ୟାଳୟର ପୁରାତନ ଛାତ୍ର କୈଳାଶ ମହାପାତ୍ର ଏହି ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଛନ୍ତି। କାହାଣୀ ରଚନା କରିଛନ୍ତି ଡ..ନିରଞ୍ଜନ ରେଡି।

ଏଠାରେ ଉଲ୍ଲେଖଯୋଗ୍ୟ କି ରେଡିଙ୍କ ଲିଖିତ ଉକ୍ତ ଷ୍ଟୋରୀଟି ମଞ୍ଚରେ ଶ୍ରୀ କୈଳାଶ ମହାପତ୍ରଙ୍କ ନିର୍ଦେଶନାରେ ‘ବଂଚିବାକୁ ହେଲେ’ ନାମରେ ବହୁବାର ମଞ୍ଚସ୍ଥ ହୋଇ ଦର୍ଶକୀୟ ଆଦୃତି ଲାଭ କରିଛି। ଫିଲ୍ମରେ ସଂଗୀତ ନିର୍ଦ୍ଦେଶନା ଦେଇଛନ୍ତି ପ୍ରେମ ଆନନ୍ଦ। ତାଙ୍କ ରଚନା ଓ ନିର୍ଦ୍ଦେଶନାରେ ୫ଟି ସୁମଧୁର ଗୀତ ଏହି ଫିଲ୍ମରେ ସ୍ଥାନ ପାଇଛି।


ନିକଟରେ ମଂଞ୍ଚ ଓ ଫିଲ୍ମ ଜଗତର ସୁଖ୍ୟାତ ନାଟ୍ୟକାର ଶ୍ରୀଯୁକ୍ତ ବିଜୟ ମିଶ୍ର ଫିଲ୍ମର ଶୁଭ ମହୁରତ କରିଥିଲେ। ଆସନ୍ତା କଲିଠାରୁ ସୁଟିଂ ଆରମ୍ଭ ହୋଇଛି। ଫିଲ୍ମଟି ମୁଖ୍ୟତ ଓଡ଼ିଶାରେ ସୁଟିଂ ହେବାର ଥିଲାବେଳେ କିଛି ଦୃଶ୍ୟ ଥାଇଲାଣ୍ଡର ପଟାୟା, ବ୍ୟାଙ୍କକ୍ ଓ ଫୁକେତଠାରେ ସୁଟ୍‌ ହେବାର ଅଛି।