ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୂଆଦିଲ୍ଲୀ: ଗୋଆ ଫିଲ୍ମ ଫେଷ୍ଟିଭାଲ୍‌ରେ ଦୁଇଟି ଫିଲ୍ମକୁ ନେଇ ବିବାଦ ହୋଇଥିଲା। ଏହି ବିବାଦ ପାଇଁ ଜୁରୀ ମୁଖ୍ୟ ସୁଜୋୟ ଘୋଷ ତାଙ୍କ ପଦରୁ ଇସ୍ତଫା ଦେଇ ଦେଇଥିଲେ। ‘ସେକ୍ସୀ ଦୁର୍ଗା’ ଓ ‘ନ୍ୟୁଡ୍’ ଫିଲ୍ମ ଦୁଇଟିକୁ ଫେଷ୍ଟିଭାଲ୍‌ରୁ ବାହାର କରି ଦିଆଯାଇଥିଲା। ୧୩ ସଦସ୍ୟ ବିଶିଷ୍ଟ ଜୁରୀ ଏହି ଫିଲ୍ମ ଦୁଇଟିକୁ ଫେଷ୍ଟିଭାଲ୍‌ରେ ସାମିଲ କରିଥିଲେ, କିନ୍ତୁ ସୂଚନା ଓ ପ୍ରସାରଣ ମନ୍ତ୍ରଣାଳୟ ଏଗୁଡ଼ିକୁ ତାଲିକାରୁ କାଟି ଦେଇଥିଲା। ତେବେ ଏବେ ‘ନ୍ୟୁଡ୍’ ପାଇଁ ଖୁସି ଖବର ଆସିଛି। ଫିଲ୍ମଟିକୁ ସେନ୍‌ସର ବୋର୍ଡ ସବୁଜ ପତାକା ଦେଖାଇଛନ୍ତି। ଫିଲ୍ମଟିକୁ ‘ଏ’ ସାର୍ଟିଫିକେଟ୍ ସହିତ ସିନେମା ହଲ୍‌ରେ ପ୍ରଦର୍ଶିତ କରିବାକୁ ଅନୁମତି ଦିଆଯାଇଛି। ‘ନ୍ୟୁଡ୍‌’ର ନିର୍ଦ୍ଦେଶକ ରବି ଯାଦବ ଟ୍ୱିଟ୍ କରି ଏହି ସୂଚନା ଦେଇଛନ୍ତି।</p> <p>ରବି ନିଜର ଖୁସି ଜାହିର କରି ଲେଖିଛନ୍ତି,“ବିନା କୌଣସି କଟ୍‌ରେ ଫିଲ୍ମଟିକୁ ‘ଏ’ ସାର୍ଟିଫିକେଟ୍ ମିଳିଛି!!! ବିଦ୍ୟା ବଲାନଙ୍କ ନେତୃତ୍ୱରେ ଗଠିତ ସିବିଏଫ୍‌ସିର ସ୍ୱତନ୍ତ୍ର ଜୁରୀ ଆମ ଫିଲ୍ମକୁ ଷ୍ଟାଣ୍ଡିଂ ଓଭିଏସନ୍ ଦେଇଥିଲେ!!! ଆପଣଙ୍କ ଏ ସମର୍ଥନ ପାଇଁ ଧନ୍ୟବାଦ।”</p> <p>‘ନ୍ୟୁଡ୍’ ଏକ ମରାଠୀ ଫିଲ୍ମ। ଏଥିରେ ଜଣେ ନ୍ୟୁଡ୍ ମଡେଲ୍‌ଙ୍କ ଜୀବନ କାହାଣୀକୁ ଦର୍ଶାଯାଇଛି। ଫିଲ୍ମଟିର ଟ୍ରେଲର ରିଲିଜ୍ ହୋଇସାରିଛି। ଏଥିରେ ନଶିରୁଦ୍ଦିନ ଶାହ କହୁଛନ୍ତି,“ବେଟା କପଡ଼ା ଜିସ୍ମ ପର ପହନାୟା ଜାତା ହେଁ, ରୁହ ପର ନହିଁ...ଔର ମେଁ ଅପନେ କାମ ମେଁ ରୁହ ଖୋଜ୍‌ନେ କୀ କୋଶିଶ କରତା ହୁଁ। ସମଝ ମେ ଆୟା...।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
