କାଲି ପରଦାକୁ ଆସୁଛି ହାପି-ଲକି: ଦେଖନ୍ତୁ ଜ୍ୟୋତି-ଏଲିନାଙ୍କ ସହ କିଛି ରୋମାନ୍ସ ସିନ୍‌

ଭୁବନେଶ୍ୱର:(ଓଡ଼ିଶା ରିପୋର୍ଟର):କାଲି ପରଦାକୁ ଆସୁଛି ତରଙ୍ଗ ସିନେ ପ୍ରଡକ୍ସନ୍ସର ମଲ୍ଟି ଷ୍ଟାରର ରୋମାଣ୍ଟିକ୍-ଆକ୍ସନ୍ ମୁଭି ହାପି-ଲକି। କଟକ ଜୟଶ୍ରୀ ହଲରେ ହେବ ଏହାର ପ୍ରିମିୟର ଶୋ। ରିଲିଜ ପୂର୍ବରୁ ଫିଲ୍ମର ଟ୍ରେଲର୍ ଓ ଗୀତକୁ ଦର୍ଶକ ବେଶ ପସନ୍ଦ କରିଥିବା ବେଳେ ଫିଲ୍ମ ରିଲିଜ ହେବା ପରେ ଏହା ବେଶ ସଫଳତା ହାସଲ କରିବ ବୋଲି ଆଶା ରଖିଛି ପ୍ରଯୋଜନା ସଂସ୍ଥା।

ସୁଧାଂଶୁ ସାହୁ ନିର୍ଦ୍ଦେଶିତ ରୋମାଣ୍ଟିକ-ଆକ୍ସନ ମୁଭି ହାପି-ଲକିରେ  ସମ୍ବିତ,ଏଲିନା ଓ ଜ୍ୟୋତିଙ୍କ ସହ ଏଥିରେ ଡେବ୍ୟୁ କରୁଛନ୍ତି ନବାଗତା ସସ୍ମିତା।   ଲଭ ରୋମାନ୍ସ ସହ ଢେର ଆକ୍ସନ ଦେଖିବାକୁ ମିଳିବ ଏହି ଫିଲ୍ମରେ । ରିଲିଜ ପୂର୍ବରୁ ଏହାର ଟ୍ରେଲର ଓ ଗୀତକୁ ନେଇ ଫ୍ୟାନଙ୍କ ମଧ୍ୟରେ ବେଶ୍ କ୍ରେଜ୍ ଦେଖିବାକୁ ମିଳିଛି । ଖାସ କରି ସିନେ ପ୍ରମୀଙ୍କୁ ମତୁଆଲା କରିଛି ଓଷଦ ନେଇ ଆ ଜାନିଆ ଓ ପ୍ରେମ ତୋର ବଦମାସ୍ ଗୀତ। ଟାଇଟଲ୍ ଟ୍ରାକକୁ ମିଶାଇ ଫିଲ୍ମରେ ମୋଟ ୫ଟି ଗୀତ ରହିଥିବାବେଳେ ଏଗୁଡ଼ିକୁ କମ୍ପୋଜ୍ କରିଛନ୍ତି ପ୍ରେମାନନ୍ଦ।

ଦୁଇ ଭାଇ ଆଉ ଦୁଇ ଭଉଣୀଙ୍କ ଭିତରେ ଭଲପାଇବାକୁ ନେଇ ଗତିଶୀଳ ହୋଇଛି ସିନେମାର କାହାଣୀ।   ଫିଲ୍ମରେ ତରଙ୍ଗର କିଏ ହେବ ମୋ ହିରୋଇନ ସିଜିନ-୩ର ବିଜେତା ସସ୍ମିତା ଡେବ୍ୟୁ କରିଥିବା ବେଳେ ଏଥିରେ ପାଞ୍ଚ ବର୍ଷ ପରେ ଓଲିଉଡକୁ କମ୍‌ ବ୍ୟାକ୍‌ କରିଛନ୍ତି ବବି ମିଶ୍ର।   ଫିଲ୍ମରେ ଭିଲେନ୍ ଭୂମିକାରେ ନଜର ଆସିବେ ବବି। ଜବରଦସ୍ତ ଷ୍ଟାରକାଷ୍ଟ୍  ସମ୍ବିତଙ୍କ ଆକ୍ସନ ଓ ନୂଆ ଯୋଡି ଜ୍ୟୋତି-ଏଲିନାଙ୍କ ରୋମାନ୍ସ ଫିଲ୍ମର ୟୁଏସପି ବୋଲି କହିଛି ପ୍ରଯୋଜନା ସଂସ୍ଥା ।