ପରଦାକୁ ଆସୁଛି ହିରୋନଂ1: କିମିଆ କରୁଛି ବାବୁସାନ ଓ ଭୂମିକାଙ୍କ ହଟ୍‌ ଡ୍ୟାନ୍ସ , ଦେଖନ୍ତୁ ଭିଡିଓ

ଭୁବନେଶ୍ୱର:ହଟକେ ଅନ୍ଦାଜରେ ଭୂମିକା। ସେକ୍ସି ଲୁକ୍‌ ସାଙ୍ଗକୁ ଜବରଦସ୍ତ ପୋଜ୍‌। ତା’ସାଙ୍ଗକୁ ମସ୍ତିଭରା ଏକ୍ସେପ୍ରସନ୍। ତରଙ୍ଗ ସିନେ ପ୍ରଡକ୍ସନର ଅପ୍ କମିଂ ମୁଭି ହିରୋନଂ1ରେ ଟାଇଟଲ ଟ୍ରାକ୍‌ ଡିଜେୱାଲା ଡ୍ୟାନ୍ସରେ ଏମିତି କିଛି ଝଲକ୍ ଦେଖାଇଛନ୍ତି ଭୂମିକା। ତାଙ୍କୁ ସାଥ୍‌ ଦେଇଛନ୍ତି ଓଲିଉଡ୍‌ ଜଗତରେ ଚକୋଲେଟ୍‌ ବୟ ବାବୁସାନ୍‌। ଉଭୟେ ଏହି ଚଳଚ୍ଚିତ୍ରରେ ଲିଡ୍‌ ରୁଲରେ ଥିବା ବେଳେ ଏଥିରେ ସବୁ ଗୀତ ଗୁଡ଼ିକ୍ ସୁପରହିଟ୍‌ ହୋଇଛି। ତେବେ ଡିଜେୱାଲା ଡ୍ୟାନ୍ସରେ  ଭୂମିକାଙ୍କ ଅଭିନୟ ଏକଦମ୍‌ ମତୁଆଲା। କାରଣ ମ୍ୟୁଜିକ୍‌ ବି ପୁରା ଧମାକାଦାର।

ତେବେ ଓଲିଉଡ୍‌ରେ ନୂଆ ନୂଆ ପାଦ ଥାପିଥିବା ଭୂମିକାଙ୍କୁ ଆଗରୁ କେବେ ଏମିତି ଅବତାରରେ ଦେଖିବାକୁ ମିଳି ନ ଥିଲା। ଫିଲ୍ମଟି ପୂଜା ବଜାରରେ ରିଲିଜ୍‌ ହେବାକୁ ଥିବା ବେଳେ ତା’ ପୂର୍ବରୁ ଏହି ସଙ୍ଗୀତଟି ୟୁ-ଟ୍ୟୁବ୍‌ରେ ହଲଚଲ କରିଛି । ଏହି ଗୀତଟିକୁ ଅଦ୍ୟାବଧି ୬ ଲକ୍ଷ ୭୫ ହଜାର ୯୦୬ ଜଣ ଦେଖିସାରିଲେଣି। ଗତ ୧୪ ତାରିଖରେ ଏହି ଗୀତଟି ୟୁ-ଟ୍ୟୁବ୍‌ରେ ଅପଲୋଡ଼ ହୋଇଥିଲା।

ଉଭୟ ଭୂମିକା ଏବଂ ବାବୁସାନଙ୍କ ନୃତ୍ୟ ଦର୍ଶକଙ୍କୁ କିମିଆ କରିଛି। ଗୀତଟିକୁ ଲେଖିଛନ୍ତି ନିର୍ମଳ ନାୟକ। ଏହାର ମ୍ୟୁଜିକ ଡିରେକ୍ଟର ହେଲେ ଅଭିଜିତ ମଜୁମଦାର। ଗୀତଟିକୁ ହ୍ୟୁମାନ ସାଗର ଓ ଅନ୍ତରା ଚକ୍ରବର୍ତ୍ତୀ ସ୍ୱରରେ ସଜାଇଛନ୍ତି।  ନୃତ୍ୟଟିକୁ  ଗିରିଶ ମହାନ୍ତି କୋରିଓଗ୍ରାଫି କରିଛନ୍ତି।