ମୁମ୍ବାଇ: ଦର୍ଶକଙ୍କ ପାଇଁ ଖୁସି ଖବର। ‘ଦ କପିଲ ଶର୍ମା ସୋ’କୁ ଫେରିଛନ୍ତି ଚନ୍ଦନ ପ୍ରଭାକର। ଜବରଦସ୍ତ ଢଙ୍ଗରେ ସେ ଶୋ’ରେ ଏଣ୍ଟ୍ରି କରିଛନ୍ତି ଓ ନିଜର ସେକେଣ୍ଡ ଇନିଂସ ଆରମ୍ଭ କରିଛନ୍ତି। ଦର୍ଶକ ଓ ନବଜୋତ ସିଂହ ସିଦ୍ଧୁ ତାଙ୍କୁ ଛିଡ଼ା ହୋଇ ଶୋ’କୁ ସ୍ୱାଗତ କରିଥିଲେ। କପିଲ ଶର୍ମା ବି ପୁରୁଣା ବନ୍ଧୁଙ୍କୁ ପାଇଁ ବେଶ୍ ଖୁସି ଥିଲେ। ଏତିକି ବେଳେ ବ୍ୟାକ୍ ଗ୍ରାଉଣ୍ଡରେ ‘ଅପନେ ତୋ ବସ୍ ଅପନେ ହୋତେ ହେଁ’।
ଚନ୍ଦନ ପ୍ରଭାକର ଚନ୍ଦୁ ଚା ବାଲା ନାଁରେ ଜଣାଶୁଣା। ସେ କପିଲଙ୍କ ଶୋରେ ଚା’ ଦୋକାନୀ ଭୂମିକାରେ ଅଭିନୟ କରନ୍ତି।
ଅଷ୍ଟ୍ରେଲିଆରୁ ଫେରିବା ବେଳେ କପିଲଙ୍କ ଖରାପ ବ୍ୟବହାର ଯୋଗୁଁ ସୁନୀଲ ଗ୍ରୋଭର ଓ ଚନ୍ଦନ ପ୍ରଭାକର ଶୋ’ ଛାଡ଼ି ଦେଇଥିଲେ। ସୁନୀଲ ଆଉ ଶୋକୁ ଫେରିବେ ନାହିଁ ବୋଲି କହି ଦେଇଛନ୍ତି। କପିଲ ସେମାନଙ୍କୁ ମାଡ଼ ମାରି ଥିବା ମଧ୍ୟ ଅଭିଯୋଗ ହୋଇଥିଲା। ଏହା ପରେ କପିଲ ବିବାଦୀୟ ହୋଇପଡ଼ିଥିଲେ ଓ ଶୋ’ ପରେ ଏହାର ଖରାପ ପ୍ରଭାବ ପଡ଼ିଥିଲା।