ମୁମ୍ୱାଇ: ଆଜି ପରଦାକୁ ଆସିଛି 'ବାହୁବଳୀ' ପ୍ରଭାସଙ୍କ ପ୍ରଥମ ବଲିଉଡ୍ ଫିଲ୍ମ ‘ସାହୋ’। ବଲିଉଡ୍ ଡିଭା ଶ୍ରଦ୍ଧା କପୁରଙ୍କ ସହିତ ପ୍ରଭାସ ଏହି ଫିଲ୍ମରେ ସ୍କ୍ରିନ୍ ଶେଆର୍ କରିଛନ୍ତି। ପୂର୍ବରୁ ଏହି ଆକ୍ସନ୍ ଥ୍ରୀଲର୍ ଫିଲ୍ମର ଟିଜର୍, ଟ୍ରେଲର୍ ଓ ଗୀତ ସାଇକୋ ସେୟାଁ ବେଶ୍ ପ୍ରଶଂସା ସାଉଁଟି ସାରିଛି। ତେଣୁ ବକ୍ସ ଅଫିସରେ ଫିଲ୍ମଟି ରେକର୍ଡ କଲେକ୍ସନ୍ କରିବ ବୋଲି ସିନେ ସମୀକ୍ଷକମାନେ ଆଶା ରଖିଛନ୍ତି।
ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ସୁଜିତ ରେଡ୍ଡି। ରିପୋର୍ଟ ଅନୁସାରେ ଭାରତରେ ଆଜି ୧୦ ହଜାର ସ୍କ୍ରିନ୍ରେ ‘ସାହୋ’ ରିଲିଜ୍ ହେଉଥିବାରୁ ପ୍ରଥମ ଦିନରେ ଫିଲ୍ମଟି ୭୫ କୋଟି ଟଙ୍କାର ବମ୍ପର୍ ଆୟ କରିବ ବୋଲି ଆଶା କରାଯାଉଛି। ଏହି କ୍ଷେତ୍ରରେ ‘ବାହୁବଳୀ ୨’ ଓ ରଜନୀକାନ୍ତଙ୍କ ସାଇନ୍ସ ଫିକ୍ସନ୍ ଫିଲ୍ମ ‘୨.୦’ର ମଧ୍ୟ ରେକର୍ଡ ଭାଙ୍ଗିଛି ‘ସାହୋ’। ‘୨.୦’ ଓ ‘ବାହୁବଳୀ ୨’ ଫିଲ୍ମ ସାରା ବିଶ୍ୱରେ ଯଥାକ୍ରମେ ୧୦ ହଜାର ଓ ୯୦୦୦ ସ୍କ୍ରିନ୍ରେ ରିଲିଜ୍ ହୋଇଥିଲା। ଦକ୍ଷିଣ ଭାରତ ସହିତ ଉତ୍ତର ଭାରତରେ ମଧ୍ୟ ପ୍ରଭାସଙ୍କ ଲୋକପ୍ରିୟତା ବଢ଼ିବାରେ ଲାଗିଛି। ଏଥିପାଇଁ ପ୍ରଭାସଙ୍କ ଫିଲ୍ମକୁ ଉତ୍ତର ଭାରତରେ ୪୫୦୦ଟି ହଲ୍ରେ ରିଲିଜ୍ କରାଯାଉଛି।