ମୁମ୍ବାଇ: ଦବଙ୍ଗ ଖାନ୍ ସଲମାନ୍ ଉଉଣୀ ଅର୍ପିତା ଘରୁ ପ୍ରାୟ ତିନି ଲକ୍ଷ ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି। ଅର୍ପିତା ଓ ତାଙ୍କ ସ୍ୱାମୀ ଆୟୁଷଙ୍କ ସହ ବାନ୍ଦ୍ରା ସ୍ଥିତ ପାସିଫିକ୍ ଆପାର୍ଟମେଣ୍ଟରେ ରୁହନ୍ତି। ଅର୍ପିତା ଓ ତାଙ୍କ ସ୍ୱାମୀ ଛୁଟି କଟାଇବା ପାଇଁ ବାହାରକୁ ଯାଇଥିବା ବେଳେ ଏହି ଚୋରି ହୋଇଛି। ଅର୍ପିତାଙ୍କ ଏ ନେଇ ପୋଲିସ ନିକଟରେ ଅଭିଯୋଗ କରିଛନ୍ତି। ଅଗଷ୍ଟ ୨୧ ତାରିଖ ରବିବାର ଦିନ ଅର୍ପିତା ଓ ତାଙ୍କୁ ସ୍ୱାମୀ ଘରୁକୁ ଫେରିଲାପରେ ଘରେ ଚୋରି ହୋଇଥିବା ଜାଣିବାକୁ ପାଇଥିଲେ।
ପୋଲିସ୍ ଅର୍ପିତାଙ୍କ ଘରେ କାମ କରୁଥିବା ଚାକରାଣୀଙ୍କୁ ପଚରାଉଚରା କରୁଛି।ଏହା ସହ ତାଙ୍କ ଡ୍ରାଇଭର ଓ ପୋଡଶୀ ଲୋକଙ୍କୁ ମଧ୍ୟ ପଚରାଉଚରା କରୁଛି। ଅର୍ପିତାଙ୍କ ପରିବାର ଲୋକ ଘରେ କାମ କରୁଥିବା ଚାକର ଓ ଚାକରଣୀ ଏହି ଚୋରି କରିଥିବା ସନ୍ଦେହ କରୁଛନ୍ତି।
ପୋଲିସ୍ ପକ୍ଷରୁ କୁହାଯାଯାଇଛି, ଅର୍ପିତା ଘରକୁ ଫେରିବା ପୂର୍ବରୁ ଏହି ଚୋରି ହୋଇଛି। ଅର୍ପିତାଙ୍କ ଘରୁ ନଗଦ ପ୍ରାୟ ୨.୨୪ ଲକ୍ଷ ଟଙ୍କା,୧୦ ଗ୍ରାମ ସୁନା ସିକା ଓ ଡିଜାଇନ୍ କପଡ଼ା ଚୋରି ହୋଇଛି ।
୨୦୧୪ ମସିହାରେ ଅର୍ପିତା ଆୟୁଷ ଶର୍ମାଙ୍କୁ ବିବାହ କରିଥିଲେ। ତାଙ୍କର ଗୋଟିଏ ପୁଅ ଅଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
