ମୁମ୍ବାଇ: ସଲମାନ୍ଙ୍କ ଫିଲ୍ମ ‘ଭାରତ’ରୁ ପ୍ରିୟଙ୍କା ଚୋପ୍ରା ବାହାରି ଯିବା ପରେ ତାଙ୍କ ସ୍ଥାନ ନେଇଛନ୍ତି କ୍ୟାଟ୍ରିନା କୈଫ୍। ଏନେଇ ଗତକାଲି ଅଲ୍ଲୀ ଆବ୍ବାସ୍ ଜାଫର୍ ଘୋଷଣା କରିବା ପରେ ସଲମାନ୍ ଟ୍ୱିଟ୍ କରି କ୍ୟାଟ୍ରିନାଙ୍କୁ ଏକ ଖାସ୍ ଅନ୍ଦାଜ୍ରେ ସ୍ୱାଗତ କରିଛନ୍ତି। ସେ କ୍ୟାଟ୍ରିନାଙ୍କୁ ସ୍ୱାଗତ କରି ଏକ ସ୍ପେଶାଲ ଟ୍ୱିଟ୍ କରିଛନ୍ତି। ଯେଉଁଥିରେ ଲେଖିଛନ୍ତି- ‘‘ଜଣେ ସୁନ୍ଦର ଓ ସରଳ ଝିଅ, ଜାହାର ନାଁ କ୍ୟାଟ୍ରିନା କୈଫ୍। ‘ଭାରତ’ରେ ତୁମକୁ ସ୍ୱାଗତ।’’
ଭାରତରେ ପୁଣି ଥରେ ସଲମାନ୍ ଓ କ୍ୟାଟ୍ରିନାଙ୍କ ହିଟ୍ ଯୋଡ଼ିକୁ ଦେଖିବାକୁ ମିଳିବ। କ୍ୟାଟ୍ରିନାଙ୍କ ପୂର୍ବରୁ ସଲମାନ୍ ଖାନ୍ ପ୍ରିୟଙ୍କାଙ୍କୁ ମଧ୍ୟ ଏକ ଭିନ୍ନ ଅନ୍ଦାଜ୍ରେ ‘ଭାରତ’ର ଅଂଶ ହେବା ପାଇଁ ସ୍ୱାଗତ କରିଥିଲେ। କିନ୍ତୁ ପ୍ରିୟଙ୍କାଙ୍କ ଫିଲ୍ମ ଛାଡ଼ିବା ନିଷ୍ପତ୍ତି ତାଙ୍କୁ ଖରାପ ଲାଗିଥିଲା। ଯଦି ଫିଲ୍ମରେ ପ୍ରିୟଙ୍କା ଚୋପ୍ରା ହାତ ଫେରାଇ ନଥାନ୍ତେ ତା’ହେଲେ ଏକ ଦଶନ୍ଧି ପରେ ଏହି ଯୋଡ଼ିକୁ ଦେଖିବାକୁ ମିଳିଥାନ୍ତା।
‘ଭାରତ’ରେ ସଲମାନ୍ଙ୍କ ଛଡ଼ା ଦିଶା ପଟାନୀ, ତବୁ, ସୁନୀଲ ଗ୍ରୋଭର ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିବେ।