ମୁମ୍ବାଇ: ଜେଲରୁ ବାହାରି ୧୧ମାସ ପରେ ବଲିଉଡ ଇଣ୍ଡଷ୍ଟ୍ରିକୁ କମ୍ବ୍ୟାକ୍ କରୁଛନ୍ତି ସଞ୍ଜୟ ଦତ୍ତ। ସଞ୍ଜୟ ତାଙ୍କର ଆଗାମୀ ଫିଲ୍ମ ‘ଭୂମି’ର ସୁଟିଂ ଆସନ୍ତା ୨୯ ତାରିଖ ମାନେ ତାଙ୍କ ଜନ୍ମଦିନରେ ଆରମ୍ଭ କରିବାକୁ ଯାଉଛନ୍ତି।
ଏହି ଫିଲ୍ମର ନିର୍ଦ୍ଦେଶନା କରୁଛନ୍ତି ଉମଙ୍ଗ କୁମାର। ସଞ୍ଜୟ ନିଜ ଜନ୍ମଦିନକୁ ଲକି ଦିନ ମାନୁଥିବାରୁ ସୁଟିଂ ସେହିଦିନ ହିଁ ଆରମ୍ଭ କରିବେ। ଫିଲ୍ମର ସୁଟିଂ ଆଗ୍ରାରେ କରାଯିବ। ଖବର ମୁତାବକ ଏହି ଫିଲ୍ମର ଷ୍ଟୋରୀ ବାପ-ଝିଅ ସଂପର୍କ ଉପରେ ଆଧାରିତ। ଏଥିରେ ସଞ୍ଜୟଙ୍କ ଝିଅର ଭୂମିକାରେ ଶାୟସା ସେହଗଲ ନଜର ଆସିବେ।