ମୁମ୍ବାଇ: ବଲିଉଡ୍ ଅଭିନେତା ଅଜୟ ଦେବଗନଙ୍କ ଫିଲ୍ମ “ଶିବାୟ”ର ଗୋଟିଏ ନୂଆ ପୋଷ୍ଟର ସାମ୍ନାକୁ ଆସିଛି ଯେଉଁଥିରେ ଫିଲ୍ମର ଲିଡିଙ୍ଗ୍ ଅଭିନେତ୍ରୀଙ୍କର ପ୍ରଥମ ଲୁକ୍ ପ୍ରଦର୍ଶିତ ହୋଇଛି। ଏହି ଫିଲ୍ମରେ ଦିଲ୍ଲୀପ କୁମାର ଓ ସାୟାରାବାନୁଙ୍କର ନାତୁଣୀ ସାୟେସା ସହଗଲ ଡେବ୍ୟୁ କରିବାକୁ ଯାଉଛନ୍ତି। ଅଜୟ ଟ୍ୱିଟ୍ କରି ଏହି ଫିଲ୍ମର ନୂଆ ପୋଷ୍ଟର ସେୟାର କରି ଏହି ନୂଆ ଚେହେରାକୁ ଉପସ୍ଥାପନ କରିଛନ୍ତି। ଅଜୟ ଏହି ଆକ୍ସନ ଫିଲ୍ମର ଅଧିକାଂଶ ସୁଟିଂ ବୁଲଗେରିଆର ବରଫାବୃତ ଘାଟି ଅଞ୍ଚଳରେ କରିଛନ୍ତି। ନିର୍ଦ୍ଦେଶକ ଭାବେ ଅଜୟଙ୍କର ଏହା ଦ୍ୱିତୀୟ ଫିଲ୍ମ। ଏହା ଆଗରୁ ମଧ୍ୟ ଏହି ଫିଲ୍ମର କିଛି ପୋଷ୍ଟର ରିଲିଜ୍ ହୋଇଥିଲା ଯେଉଁଥିରେ ତୋଫାନୀ ବରଫ ଓ ବରଫରେ ହାତରେ ତିଆରି ଓଲଟା ତ୍ରିଶୂଳ ଦେଖିବାକୁ ମିଳିଥିଲା। ଅଜୟ ଏହି ଫିଲ୍ମରେ ଭଗବାନ ଶିବଙ୍କ ଦ୍ୱାରା ପ୍ରେରିତ ଏକ ସଂରକ୍ଷକ, ପାଳକ ଓ ବିନାଶକାରୀ ଭୂମିକା ନିର୍ବାହ କରିଛନ୍ତି।
ଏହି ଫିଲ୍ମଟି ଆସନ୍ତା ଦିପାବଳୀରେ ରିଲିଜ୍ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।