ମୁମ୍ୱାଇ: ଫିଲ୍ମ ଫ୍ରାଇଡେରେ ଆଜି ହଲକୁ ଆସିଛି ଦୁଇଟି ହିନ୍ଦୀ ଫିଲ୍ମ। ଫିଲ୍ମ ଦୁଇଟି ହେଉଛି ‘ଦ ଘାଜି ଆଟାକ’ ଏବଂ ‘ଇରାଦା’। ଯୁଦ୍ଧ କାହାଣୀ ଉପରେ ଆଧାରିତ ଫିଲ୍ମ ‘ଦ ଘାଜି ଆଟାକ’ ଉଭୟ ତେଲୁଗୁ ଓ ହିନ୍ଦୀ ଭାଷାରେ ରିଲିଜ ହୋଇଛି। ଏହାର ନିର୍ଦ୍ଦେଶନା ଦେଇଛନ୍ତି ଶଙ୍କଳ୍ପ ରେଡ୍ଡୀ। ୧୯୭୧ ମସିହାରେ ହୋଇଥିବା ଭାରତ-ପାକିସ୍ତାନ ଯୁଦ୍ଧ ଉପରେ ଏହି ସିନେମାଟି ଆଧାରିତ ଯୁଦ୍ଧ ସମୟର ନୌବାହିନୀ ଭୂମିକା ଉପରେ ପର୍ଯ୍ୟବେଷିତ।
‘ଦ ଘାଜି ଆଟାକ’କୁ ଟକ୍କର ଦେବା ପାଇଁ ହଲକୁ ଆସିଛି ‘ଇରାଦା’। ଏହି ସିନେମାରେ ପୁଣି ଥରେ ଦେଖିବାକୁ ମିଳିଛି ନସିରୁଦ୍ଦିନ ସାହା ଓ ଅର୍ସଦ ୱାରସିଙ୍କ ଯୋଡିକୁ। ଝିଅର ମୃତ୍ୟୁରେ ଭାଙ୍ଗିପଡ଼ିଥିବା ଜଣେ ଏକ୍ସ-ଆର୍ମି ଅଫିସର କିଭଳି ପ୍ରତିଶୋଧ ନେଉଛି ତାହା ଏହି ଫିଲ୍ମରେ ଦର୍ଶାଯାଇଛି।