କଇଁ କଇଁ ହୋଇ କାନ୍ଦି ପକାଇଲେ ଟାଇଗର

<p>ମୁମ୍ବାଇ: &lsquo;ବାଗି-୨&rsquo;ରେ ଟାଇଗର ଶ୍ରଫଙ୍କୁ ଆପଣ ଆକ୍ସନ ମୁଡ୍&zwnj;ରେ ଦେଖିବାକୁ ପାଇବେ। ଏଥିସହ ତାଙ୍କର ଜବରଦସ୍ତ ଫିଜିକ୍&zwnj; ଓ ଦିଶାଙ୍କ ସହ ରୋମାନ୍ସ ମଧ୍ୟ ଦେଖିବେ। ଫିଲ୍ମରେ ଜବରଦସ୍ତ ଚରିତ୍ରକୁ ନେଇ ବେଶ୍ ଖୁସି ଅଛନ୍ତି ଟାଇଗର। କିନ୍ତୁ ଏବେ &lsquo;ବାଗି-୨&rsquo; ପାଇଁ ତାଙ୍କୁ କାନ୍ଦିବାର ଦେଖିବାକୁ ମିଳିଛି। ଫିଲ୍ମ ପାଇଁ ନୁହେଁ, ଫିଲ୍ମରେ ତାଙ୍କ ଲୁକ୍&zwnj; ପାଇଁ। କଥାଟି ହେଉଛି ଟାଇଗର ତାଙ୍କ କେଶକୁ ବେଶ୍ ଭଲ ପାଆନ୍ତି। ବାପା ଜ୍ୟାକିଙ୍କ ପରି ସେ ମଧ୍ୟ ଲମ୍ବା କେଶ ଭଲ ପାଆନ୍ତି। ପୂର୍ବରୁ ଆପଣ ଟାଇଗରଙ୍କୁ ଲମ୍ବା କେଶରେ ଦେଖିଥିବେ। କିନ୍ତୁ ବାଗି-୨ରେ ତାଙ୍କର ଛୋଟ କେଶ ଅଛି। ଖାସ୍ କରି ବାଗି-୨ରେ ତାଙ୍କ ଲୁକ୍&zwnj; ପାଇଁ ସେ ହେୟାରକଟ୍&zwnj; କରିଛନ୍ତି। ଫିଲ୍ମ ସୁଟିଂ ଆରମ୍ଭ ହେବା ପୂର୍ବରୁ ତାଙ୍କୁ କେଶ କାଟିବା ପାଇଁ ନିର୍ଦ୍ଦେଶକ ଅହମ୍ମଦ ଖାନ୍&zwnj; ସେଲୁନ୍&zwnj; ନେଇଗଲେ। ଯେମିତି ଟାଇଗରଙ୍କ କେଶ କଟା ଆରମ୍ଭ ହେଲା &nbsp;ସେ କାନ୍ଦିବା ଆରମ୍ଭ କରି ଦେଲେ। ସେଠାରେ ଉପସ୍ଥିତ ଥିବା ଲୋକେ ତାଙ୍କୁ ବହୁତ ବୁଝାଇଲେ ଓ ଛୋଟ କେଶରେ ସେ&nbsp; ଭଲ ଲାଗୁଛନ୍ତି ବୋଲି ମଧ୍ୟ କହିଲେ, କିନ୍ତୁ ଟାଇଗର କିଛି ଶୁଣି ନଥିଲେ। &nbsp;ଚୁଟି କାଟିବା ସମୟରେ ସେ ଆଇନାକୁ ମଧ୍ୟ ଦେଖିପାରୁ ନଥିଲେ। ସେ ତାଙ୍କ କେଶକୁ କେତେ ଭଲ ପାଆନ୍ତି ତାହା ଏ ଭିଡିଓରୁ ଜଣା ପଡୁଛି।</p>