କାହିଁକି ଭିକ ମାଗୁଛନ୍ତି ପିଲା?

ଗୋପାଳ ପାଢ଼ୀ

କିଛି ଦିନ ତଳର କଥା, ମୁଁ ବ୍ୟସ୍ତ ଭିତରେ ଗୋଟେ କାମରେ ଯାଉଥାଏ। ହଠାତ୍ ରେଳ ଫାଟକଟି ପଡ଼ିଗଲା, କିଛି ସମୟ ଭିତରେ ରେଳ ଫାଟକର ଦୁଇ ପାର୍ଶ୍ଵରେ ଶହ ଶହ ଗାଡ଼ି ରୁଣ୍ଡ ହୋଇଗଲା। ସେହି ଭିଡ଼ ଭିତରୁ ଦୂରରୁ ଦେଖିଲି ଦୁଇଟି ଛୋଟ ପିଲା, ବୟସ ବୋଧେ ୧୨ କି ୧୩ ବର୍ଷ ହେବ। ପିଲା ଦୁଇଜଣ ଭାଈ ଭଉଣୀ। ପିଲା ଦୁଇଟିକୁ ଦେଖି ମନ ମୋର ଚଞ୍ଚଳ ଓ ବ୍ୟଗ୍ର ହୋଇଯାଉଥାଏ। ଦୂରରୁ ପିଲା ଦୁଇଟିକୁ ଦେଖିଲେ ଲାଗୁଥିଲା ଏମିତି ଯେମିତି କିଛି ଖାଇବା ପାଇଁ ସେମାନେ ପଇସା ମାଗୁଛନ୍ତି। ସେହି ସମୟରେ ଟ୍ରେନଟି  ଆସିଲା। ପିଲା ଦୁଇଟି ରହିଗଲେ ରେଳ ଫାଟକର ଅପର ପାର୍ଶ୍ଵରେ ମୁଁ ରହିଗଲି ବିପରୀତ ପାର୍ଶ୍ଵରେ। ଟ୍ରେନଟି ଚାଲିଗଲା ପରେ ପିଲା ଦୁଇଟି ମୁଁ ଯେଉଁ ପଟେ ଛିଡ଼ା ହୋଇଥିଲି ସେପଟକୁ ଆସିଲେ। ମୁଁ ପିଲା ଦୁଇଟିକୁ ଦେଖି ପଚାରିଲି, ‘ଆରେ ତମେମାନେ ଏଠି କ’ଣ କରୁଛ?’ ସେମାନେ କହିଲେ, ‘ବାବୁ ଆମକୁ ବହୁତ ଭୋକ ଲାଗୁଛି, ଆମକୁ କିଛି ପଇସା ଦିଅ ଆମେ କିଣିକି ଖାଇବୁ।’ ମୁଁ ପିଲା ଦୁହିଁଙ୍କୁ କହିଲି, ‘ଆରେ ଚାଲ ତୁମେ ଦୁଇଜଣ କ’ଣ ଖାଇବ ମୁଁ କିଣିଦେବି”

ହଠାତ୍ ରେଳ ଫାଟକ ଦୁଇଟି ଖୋଲିଗଲା, ସମସ୍ତେ ନିଜ ନିଜର ଗନ୍ତବ୍ୟ ସ୍ଥଳକୁ ଯିବାରେ ଲାଗିଲେ। ମୁଁ ମୋ ଗାଡ଼ିର ଷ୍ଟାଣ୍ଡଟିକୁ ମାରି ଦେଇ ପିଲା ଦୁହିଁଙ୍କୁ ଡାକିଲି, ’ଆସ କ’ଣ ଖାଇବ ବୋଲି କହୁଥିଲ ପରା।’ ପିଲା ଦୁଇଟି କୋହଭରା କଣ୍ଠରେ ମୋତେ କହିଲେ, ବାବୁ ଆମକୁ ପଇସା ଦେଇଦିଅ ଆମେ କିଣିକି ଖାଇଦେବୁ।’ ମୋର କିନ୍ତୁ ଗୋଟିଏ ଜିଦ୍ ଥିଲା, ‘ଆସ ମୁଁ କିଣିଦେବି ତମେ ଖାଇବ।’ ସେ ଦୁଇଜଣ କିନ୍ତୁ ମୋତେ ବାରମ୍ବାର କହୁଥିଲେ, ‘ବାବୁ ଆମକୁ ପଇସା ଦେଇଦିଅ ଆମେ ନିଜେ କିଣିକି ଖାଇଦେବୁ।’ ପୁଣି ମୁଁ ସେ ପିଲା ଦୁଇଜଣଙ୍କୁ କହିଲି, ‘ଆରେ ମୁଁ ତ ବାର୍ ବାର୍ କହୁଛି ମୁଁ କିଣିଦେବି ତମେ ମୋତେ ପଇସା କ’ଣ ମାଗୁଛ? ତମର କ’ଣ ହେଇଛି କୁହ, ମୁଁ ଖାଇବାକୁ ଡାକୁଛି ଦେବି ବୋଲି ତୁମେ ଦୁଇଜଣ ମୋତେ ଖାଲି ପଇସା ମାଗୁଛ ଆଉ କହୁଛ ଆମକୁ ପଇସା ଦେଲେ ଆମେ କିଣିକି ଖାଇଦେବୁ!’ ପୁଣି ରେଳ ଫାଟକଟି ପଡ଼ିଗଲା। ପିଲା ଦୁହିଁଙ୍କୁ ପୁଣି ପଚାରିଲି, ‘ଆରେ ତମେ ତ କହିଲ ବାବୁ ଆମକୁ ପଇସା ଦିଅ ଆମେ ଖାଇବୁ, ମୁଁ ଖାଇବାକୁ ଡାକୁଛି ତୁମେ ଦୁଇଜଣ ଆସୁନ କଣ ପାଇଁ?’ ତା’ ପରେ ଗୋଟେ ପିଲା କହିଲା, ବାବୁ ଆପଣ ସିନା ଏବେ ଆମକୁ କିଣିକି ଦେଇଦେବେ ଆମେ ଖାଇଦେବୁ କିନ୍ତୁ, ଆମ ଘରେ ଆମ ବାପା ଆଉ ବୋଉ ଅଛନ୍ତି। ସେ ଦୁଇ ଜଣ କ’ଣ ଖାଇବେ?’

ମୁଁ ସ୍ତବ୍ଧ ହୋଇଗଲି! ଆଉ ପଚାରିଲି, ‘ଆରେ ତୁମର ବାପା କିଛି କରନ୍ତିନି! ତମେ ଚଳୁଛ କିପରି?’ ପିଲାଟି କହିଲା, ‘ବାବୁ ମୋ ବାପାଙ୍କୁ ପୋଲିଓ ଆଉ ବୋଉକୁ ଦେଖାଯାଉନାହିଁ, ସେ ଅନ୍ଧୁଣୀ। ଆମେ ଦୁଇଜଣ ମାଗିକରି ଯୋଉ ପଇସା ନେଉଛୁ ସେଥିରେ ମୋ ବାପା ଆଉ ବୋଉକୁ କିଣିକି ଖାଇବାକୁ ଦଉଛୁ।’

ଆପଣମାନେ ଚିନ୍ତା କରନ୍ତୁ ଯେଉଁ କଅଁଳ ବୟସରେ ସେମାନଙ୍କ କାନ୍ଧରେ ବହି ବସ୍ତାନି ରହିବା କଥା ସେ କାନ୍ଧରେ ବୋହୁଛନ୍ତି ପରିବାରର ବୋଝ। ଜନ ପ୍ରତିନିଧିମାନେ କରୁଛନ୍ତି କ’ଣ? ଖାଲି ବଡ଼ ବଡ଼ ଭାଷଣ! କାହା ପାଇଁ ଏତେ ଯୋଜନା, କାହିଁକି ଏମାନେ ଅବହେଳିତ, କାହିଁକି ଓଡ଼ିଶାରୁ ହଟୁନି ଦାରିଦ୍ର୍ୟ? ଓଡ଼ିଶାର ଶାସନ ଭାର ପାଇଥିବା ଲୋକମାନେ କରୁଛନ୍ତି କ’ଣ?

ଆବାହକ

ଯାଜପୁର ବିକାଶ ମଞ୍ଚ

ଆହୁରି ପଢ଼ନ୍ତୁ

୨୯ ସେପ୍ଟେମ୍ବର, ମଙ୍ଗଳବାର: ଆର୍ଥିକ ସ୍ଥିତି ସ୍ୱଚ୍ଛଳ ରହିବ

ସୁପର ଓଭର୍‌ରେ ରୋହିତଙ୍କୁ ହରାଇଲେ ବିରାଟ, ମୁମ୍ବାଇର ଦ୍ୱିତୀୟ ପରାଜୟ

ଡିଭିଲିୟର୍ସଙ୍କ ବିସ୍ଫୋରଣ: ମୁମ୍ବାଇ ଆଗରେ ୨୦୨ ରନ୍‌ର ଟାର୍ଗେଟ

ଟସ୍‌ ଜିତିଲା ମୁମ୍ବାଇ: ପ୍ରଥମେ ବୋଲିଂ କରିବ, ଆଇପିଏଲରେ ଡେବ୍ୟୁ କଲେ ଇଶ୍ରୁ ଉଦାନା

ଚାଇନାକୁ ମାତ୍‌ ଦେବ ମିସାଇଲ ’ନିର୍ଭୟ’: ଏଲଏସିରେ ମୁତୟନ କଲା ଭାରତ

କୃଷକ ସମସ୍ୟା ଏବଂ ସରକାରଙ୍କ କୃଷିବିରୋଧୀ ନୀତି

ଆଜି ଟକ୍କର ନେବେ ଦୁଇ ଭାରତୀୟ ସୁପର୍ ଷ୍ଟାର୍

ବୀର ପୁତ୍ର ଭଗତ ସିଂହ ଏବଂ ସ୍ୱର ସାମ୍ରାଜ୍ଞୀଙ୍କୁ ଅଭିନନ୍ଦନ

୨୮ ସେପ୍ଟେମ୍ବର, ସୋମବାର: ବନ୍ଧୁଙ୍କ ସହ ସମୟ ବିତାଇବେ

ସାରଜାରେ ରନ ବର୍ଷା: ଫିକା ପଡ଼ିଲା ମୟଙ୍କ ଅଗ୍ରୱାଲଙ୍କ ଶତକ, ରାଜସ୍ଥାନର ଚମତ୍କାର ବିଜୟ

ଆଇପିଏଲରେ ମୟଙ୍କ ଅଗ୍ରୱାଲଙ୍କ ପ୍ରଥମ ଶତକ: ପଞ୍ଜାବର ବିଶାଳ ୨୨୩

ଟସ୍‌ ଜିତିଲେ ସ୍ମିଥ, ବୋଲିଂ କରିବ ରାଜସ୍ଥାନ: ଫେରିଲେ ବଟଲର