ଶ୍ରୀନଗର: ଦୁଇ ମାସ ପରେ ବି ଜମ୍ମୁ ଓ କାଶ୍ମୀରରେ ସ୍ଥିତି ଶାନ୍ତ ପଡ଼ିବାର ନାଁ ନେଉ ନାହିଁ। ଆଜି ପୁଲୱାମାର କରୀମାବାଦ ଗାଁରେ ଆନ୍ଦୋଳନକାରୀ ଓ ସୁରକ୍ଷାକର୍ମୀଙ୍କ ମଧ୍ୟରେ ସଂଘର୍ଷ ହୋଇଛି। ଏଥିରେ ପ୍ରାୟ ୫୦ ଜଣ ଆନ୍ଦୋଳନକାରୀ ଆହତ ହୋଇଥିବା ବେଳେ ସିଆର୍ପିଏଫ୍ ଓ ସ୍ଥାନୀୟ ପୋଲିସ୍ର ୧୨ ଜଣ ଯବାନ ଆହତ ହୋଇଛନ୍ତି।
ଉଭୟ ରାଜ୍ୟ ଓ କେନ୍ଦ୍ର ସରକାର ବାରମ୍ବାର ଅନୁରୋଧ କରିବା ସତ୍ତ୍ୱେ ଘାଟିରେ ସ୍ଥିତି ଶାନ୍ତ ପଡ଼ିବାର ନାଁ ନେଉ ନାହିଁ। ଦୁଇ ମାସ ମଧ୍ୟରେ ରାଜ୍ୟରେ ହିଂସାରେ ୭୮ ଜଣ ଲୋକଙ୍କ ମୃତ୍ୟୁ ଘଟି ସାରିଲାଣି। ଗତକାଲି ଦକ୍ଷିଣ କାଶ୍ମୀର ଦୁଇଟି ଗାଁରେ ଲୋକେ ପ୍ରଦର୍ଶନ କରିଥିଲେ ଓ ପୋଲିସ୍ ସହିତ ସଂଘର୍ଷରେ ଦୁଇ ଜଣ ପ୍ରାଣ ହରାଇଥିଲେ।
ଆତଙ୍କବାଦୀ ବୁରହାନି ୱନି ସୁରକ୍ଷାକର୍ମୀଙ୍କ ଗୁଳିରେ ନିହତ ହେବା ପରେ ଘାଟିରେ ଅଶାନ୍ତି ଜାରି ରହିଛି। ହିଜବୁଲ୍ ମୁଜାହିଦ୍ଦିନ୍ର କମାଣ୍ଡର ବୁରହାନି ୱନି ଜୁଲାଇ ୮ରେ ଏକ ଏନ୍କାଉଣ୍ଟରରେ ପ୍ରାଣ ହରାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।