ମୁମ୍ୱାଇ: ୨୬୫୭ କିଲୋ ପିଆଜ ନେଇ ବଜାରକୁ ଆସିଥିଲେ ଜଣେ ଚାଷୀ। ଆଉ ଏହାକୁ ମୋଟ ୨୯୧୬ ଟଙ୍କାରେ ବିକ୍ରି କଲେ। ଶ୍ରମିକଙ୍କ ପାଉଣା ଓ ପରିବହନ ଖର୍ଚ୍ଚ ବାବଦକୁ ୨୯୧୦ ଟଙ୍କା ଦେଲେ। ତା’ପରେ ତାଙ୍କ ପାଖରେ ବଳିଲା ଆଉ ୬ ଟଙ୍କା। ସେହି ୬ ଟଙ୍କାକୁ ସେ ମୁଖ୍ୟମନ୍ତ୍ରୀଙ୍କ ନିକଟକୁ ମନି ଅର୍ଡର ଯୋଗେ ପଠାଇ ଦେଲେ।
ପିଆଜ ଦରରେ ଅହେତୁକ ହ୍ରାସ ଯୋଗୁ ଚାଷୀ ଜଣଙ୍କୁ ଏମିତି ସ୍ଥିତିର ସମ୍ମୁଖୀନ ହେବାକୁ ପଡ଼ିଛି। ଆଉ ଏ ନେଇ ନିଜ ଅସନ୍ତୋଷକୁ ଜାହିର କରିବା ପାଇଁ ସେ ମୁଖ୍ୟମନ୍ତ୍ରୀଙ୍କ ନିକଟକୁ ୬ ଟଙ୍କା ପଠାଇଛନ୍ତି।
ଘଟଣାଟି ଘଟିଛି ମହାରାଷ୍ଟ୍ରର ଅହମଦନଗର ଜିଲ୍ଲାରେ। ଆଉ ଏହି ଚାଷୀଙ୍କ ନାଁ ଶ୍ରେୟସ ଅଭାଲେ। ସେ ସଙ୍ଗମନେର ଥୋକ୍ ବଜାରକୁ ୨୬୫୭ କିଲୋ ପିଆଜ ଧରି ଯାଇଥିଲେ। ପିଆଜ କିଲୋ ପିଛା ଟଙ୍କାଏରୁ ଟିକେ ଅଧିକ ଦାମ୍ରେ ବିକ୍ରି କରିବାକୁ ବାଧ୍ୟ ହୋଇଥିଲେ। ଏହା ତାଙ୍କୁ ଖୁବ୍ ବାଧିଛି। ସ୍ଥିତି ସଂପର୍କରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍ନାଭିସ୍ଙ୍କ ଦୃଷ୍ଟି ଆକର୍ଷଣ କରିବାକୁ ସେ ତାଙ୍କ ପାଖକୁ ମନି ଅର୍ଡର ଯୋଗେ ୬ ଟଙ୍କା ପଠାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
