୮ ଲକ୍ଷ ବିବାହିତ ଆପ୍‌ରେ ଖୋଜୁଛନ୍ତି ପ୍ରୀତି ପାଇଁ ସାଥି

ନୂଆଦିଲ୍ଲୀ: ଡେଟିଂ ଆପ୍ଲିକେସନ୍‌ର ଡାର୍ଟି କାହାଣୀ ବାବଦରେ ଚମକାଇ ଦେବାଭଳି ଏକ ରିପୋର୍ଟ ଆସି ପହଞ୍ଚିଛି। ୮ ଲକ୍ଷ ଭାରତୀୟ ପୁରୁଷ ଓ ମହିଳା ପରକୀୟା ପ୍ରୀତି ପାଇଁ ସାଥୀ ଖୋଜା ଉଦ୍ଦେଶ୍ୟରେ ବିଭିନ୍ନ ଡେଟିଂ ଆପ୍‌ର ସହାୟତା ନେଉଥିବା ଏକ ରିପୋର୍ଟରୁ ଜଣାପଡ଼ିଛି। ଟେକ୍‌ ସିଟି ବେଙ୍ଗାଲୁରୁରେ ସର୍ବାଧିକ ଏପରି ବ୍ୟବହାରକାରୀ ଅଛନ୍ତି।

ନୂଆବର୍ଷର ରିଜୋଲ୍ୟୁସନ୍‌ ସ୍ୱରୂପ ବେଶ କିଛି ଲୋକ ପରକୀୟା ପ୍ରୀତି ବାଛି ପାର୍ଟନରଙ୍କୁ ଧୋକା ଦେବାକୁ ପଛାଇ ନଥିବା ଏହି ରିପୋର୍ଟ କହିଛି। ଲକ୍ଷ୍ୟ କରାଯାଇଛି, ନୂଆବର୍ଷ ପରେ କାମକୁ ଫେରିବା ଆରମ୍ଭ ହୋଇଯିବାପରେ ଏବଂ ପିଲାଙ୍କ ଛୁଟି ସରିଯିବା ପରେ ଏହାର ମାତ୍ରା ଡେର ବଢ଼ିଯାଇଛି।

ଏଭଳି ତାଲିକାରେ ପୁରୁଷ ଆପ୍‌ ବ୍ୟବହାରକାରୀ ଅଧିକ ଥିବା ବିଭିନ୍ନ ସହର ମଧ୍ୟରେ ବେଙ୍ଗାଲୁରୁ, ମୁମ୍ବାଇ, କୋଲକାତା, ପୁଣେ, ନୂଆଦିଲ୍ଲୀ, ହାଇଦ୍ରାବାଦ, ଚେନ୍ନାଇ, ଗୁରୁଗ୍ରାମ, ଅହମ୍ମଦାବାଦ, ଜୟପୁର, ଚଣ୍ତୀଗଡ଼, ଲକ୍ଷ୍ନୌ, କୋଚି, ବିଶାଖାପଟନମ୍‌, ସୁରତ୍‌, ଇନ୍ଦୋର ଏବଂ ଭୁବନେଶ୍ୱର ରହିଛି।

ସେହିଭଳି ମହିଳା ସକ୍ରିୟ ଥିବା ସହର ସବୁ ହେଲେ ବେଙ୍ଗାଲୁରୁ, ମୁମ୍ବାଇ, ଦିଲ୍ଲୀ, କୋଲକାତା, ନୂଆଦିଲ୍ଲୀ, ପୁଣେ, ହାଇଦ୍ରାବଦ, ଚେନ୍ନାଇ, ଗୁରୁଗ୍ରାମ, ଚଣ୍ଡୀଗଡ଼, ଅହମ୍ମଦାବାଦ, କୋଚି, ନୋଏଡା, ଲକ୍ଷ୍ନୌ, ଇନ୍ଦୋର, ସୁରତ, ଗୁଆହାଟୀ, ନାଗପୁର ଏବଂ ଭୋପାଲ ଆଦି ସହର।

ନୂଆବର୍ଷରେ ହିଁ ନୂଆ ପାର୍ଟନରର ସନ୍ଧାନ ବିଶେଷ ମାତ୍ରାରେ ବୃଦ୍ଧି ପାଇଥିବା ଜଣାପଡ଼ିଛି। ଜାନୁଆରୀ ପ୍ରଥମ ସପ୍ତାହରେ ଗତ ୨ ସପ୍ତାହ ତୁଳନାରେ ଆପ୍‌ର ସବସ୍କ୍ରିପସନ୍‌ରେ ୩୦୦% ବୃଦ୍ଧି ପାଇଛି। ଗତ ବର୍ଷ ମଧ୍ୟ ନୂଆ ବର୍ଷରେ ଏହି ସଂଖ୍ୟା ବେଶ ବୃଦ୍ଧି ପାଇଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।