ନୂଆଦିଲ୍ଲୀ: ଆଇଏନଏକ୍ସ ମିଡିଆ ଦୁର୍ନୀତି ମାମଲାରେ ଚିଦାମ୍ୱରମ୍ ଏବେ ସିବିଆଇ ହେପାଜତରେ। ଅନ୍ୟପଟେ ଏୟାରସେଲ୍-ମାକ୍ସିସ୍ କେସରେ ଉଭୟ ପି. ଚିଦାମ୍ୱରମ୍ ଏବଂ କାର୍ତ୍ତୀ ଚିଦାମ୍ୱରମଙ୍କ ଜାମିନ ରଦ୍ଦ କରିବା ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଓ ସିବିଆଇ ଦିଲ୍ଲୀର ରାଓ୍ୱଜ୍ ଏଭେନ୍ୟୁ କୋର୍ଟରେ ଆବେଦନ କରିଛନ୍ତି।
ଉଭୟ ବାପା ଓ ପୁଅ ଦୁର୍ନୀତି କରିଥିବା ବିରୋଧରେ ଆବଶ୍ୟକ ପ୍ରମାଣ ରହିଛି ବୋଲି ଇଡି କହିଛି। ତେଣୁ ଜାମିନ ଦେଇ ଦେଲେ ଚିଦାମ୍ୱରମ ପ୍ରମାଣ ନଷ୍ଟ କରିଦେବେ ବୋଲି ଉଭୟ ତଦନ୍ତକାରୀ ସଂସ୍ଥା କୋର୍ଟରେ ଦର୍ଶାଇଛନ୍ତି।
ଏହି ମାମଲାରେ ଗତ ଅଗଷ୍ଚ ୨୩ରେ ସୁପ୍ରିମକୋର୍ଟ ଶୁଣାଣି କରି ସେପ୍ଚେମ୍ୱର ୩ ଯାଏ ଇଡି ଏୟାରସେଲ୍ ମାକ୍ସିସ କେସରେ ବାପପୁଅଙ୍କୁ ଗିରଫ କରିପାରିବେ ନାହିଁ ବୋଲି ନିର୍ଦ୍ଦେଶ ଦେଇଥିଲେ।
ସୂଚନାଯୋଗ୍ୟ, ଚିଦାମ୍ୱରମ ଦେଶର ଅର୍ଥମନ୍ତ୍ରୀ ଥିବା ବେଳେ ଏୟାରସେଲ ମାକ୍ସିସ ଡିଲକୁ କ୍ଷମତା ବାହାରେ ଅନୁମତି ଦେଇଥିଲେ। ଏହି ଡିଲ୍ ୩୫୦୦ କୋଟି ଟଙ୍କାର ହୋଇଥିଲା। ମନ୍ତ୍ରିମଣ୍ଡଳକୁ ଚିଦାମ୍ୱରମ୍ ଏହି ଡିଲ୍ ବାବଦରେ ଅବଗତ ନକରାଇ ନିଜେ ଅନୁମତି ଦେଇ ଦେଇଥିବା ଅଭିଯୋଗ ହୋଇଛି। ଚିଦାମ୍ୱରମ୍ ୬୦୦ କୋଟି ଟଙ୍କାର ଡିଲକୁ ଏକାକୀ ମଞ୍ଜୁରୀ ଦେବାର ସେତେବେଳେ କ୍ଷମତା ଥିଲା।
ଇଡି କହିଛି ଏଯାଏ ୯୦ ଲକ୍ଷ ଟଙ୍କାର ସମ୍ପତି ଜବତ ହୋଇସାରିଛି। ଏବେ ୧୭ଟି ବ୍ୟାଙ୍କ ସହ ପରୋକ୍ଷ ଭାବରେ ବାପପୁଅଙ୍କର ଲିଙ୍କ୍ ଥିବା ଇଡି ଦାବି କରିଛି। ତେଣୁ ଜାମିନ୍ ଦେଇଦେଲେ ସମସ୍ତ ପ୍ରମାଣ ବାପପୁଅ ନଷ୍ଟ କରି ଦେବେ ବୋଲି ଇଡି କୋର୍ଟରେ କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
