ଜମ୍ମୁ: ଜୁଲାଇ ୨ରେ ଆରମ୍ଭ ହେବାକୁ ଥିବା ଅମରନାଥ ଯାତ୍ରାକୁ ଭଣ୍ଡୁର କରିବା ପାଇଁ ପାକିସ୍ତାନ ସମେତ ଦେଶ ବିରୋଧୀ ଗୋଷ୍ଠୀ ଓ ଆତଙ୍କବାଦୀମାନେ ଯୋଜନା କରୁଥିବା ଜମ୍ମୁ-କାଶ୍ମୀର ଉପମୁଖ୍ୟମନ୍ତ୍ରୀ ନିର୍ମଳ ସିଂ ଅଭିଯୋଗ କରିଛନ୍ତି। ଜମ୍ମୁ ସହରରେ ଥିବା ଦୁଇଟି ମନ୍ଦିରକୁ ଅପବିତ୍ର କରାଯିବା ପଛର ଉଦ୍ଦେଶ୍ୟ ହେଉଛି ସ୍ଥିତି ଖରାପ କରିବା। ଏଥିପାଇଁ ଲୋକେ ସତର୍କ ରହିବା ଆବଶ୍ୟକ।
ସିଂ କହିଛନ୍ତି, “ପାକିସ୍ତାନ, ରାଷ୍ଟ୍ର ବିରୋଧୀ ତତ୍ତ୍ୱ ଓ ଆତଙ୍କବାଦୀମାନେ କେବେ ବି ଚାହିଁବେ ନାହିଁ ଅମରନାଥ ଯାତ୍ରା ସୁରୁଖୁରୁରେ ହେଉ। ସେମାନେ ନିଶ୍ଚିତ ଭାବେ ଯାତ୍ରାରେ ବାଧା ସୃଷ୍ଟି କରିବାକୁ ପ୍ରୟାସ କରିବେ। ହେଲେ ଆମେ ସବୁ ପ୍ରକାର ପରିସ୍ଥିତିର ମୁକାବିଲା କରିବାକୁ ପ୍ରସ୍ତୁତ ଅଛୁ। ସେନା ଓ ଅନ୍ୟ ଏଜେନ୍ସିଙ୍କୁ ହାଇ ଆର୍ଲଟ କରି ଦିଆଯାଇଛି।
ଜମ୍ମୁ କ୍ଷେତ୍ରରେ ସୁରକ୍ଷା ବ୍ୟବସ୍ଥାକୁ ନେଇ ଆୟୋଜିତ ଉଚ୍ଚସ୍ତରୀୟ ବୈଠକ ପରେ ସିଂ ଗଣମାଧ୍ୟମକୁ ଏ ନେଇ ସୂଚନା ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
