ନୂଆଦିଲ୍ଲୀ: ଛୁଟିଦିନ ଆସିଲେ ସମ୍ପର୍କୀୟଙ୍କୁ ଭେଟିବାପାଇଁ ସମସ୍ତଙ୍କର ଅପେକ୍ଷା ଥାଏ। ସେହିଭଳି ଚଳିତ ଖ୍ରୀଷ୍ଟମାସରେ ଶୁଭ୍ରଜିତ ଅଷ୍ଟ୍ରେଲିଆରେ ରହୁଥିବା ଭଉଣୀଙ୍କୁ ଭେଟିବାକୁ ଯୋଜନା କରିଥିଲେ। କିନ୍ତୁ ଅଷ୍ଟ୍ରେଲିଆ ଏଭଳି ଏକ କାରଣରୁ ତାଙ୍କୁ ଭିସା ଦେବାକୁ ରାଜି ହେଲେନି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।
ଶୁଭ୍ରଜିତ ବହୁତ ଉତ୍ସୁକତାର ସହିତ ଭାରତରୁ ଅଷ୍ଟ୍ରେଲିଆ ଉଡ଼ାଣ ଭରିବାକୁ ଅପେକ୍ଷା କରିଥିଲେ। କିନ୍ତୁ ତାଙ୍କୁ ଅଷ୍ଟ୍ରେଲିଆ ପକ୍ଷରୁ ଆସିଥିଲା ନକାରାତ୍ମକ ଉତ୍ତର। କାରଣ ଥିଲା ଜଣେ ଦିବ୍ୟାଙ୍ଗ ଏବଂ ହ୍ୱିଲ୍ ଚେୟାର ବ୍ୟବହାର କରନ୍ତି।
https://twitter.com/briannasbell/status/1070838357876330496
ବ୍ରିଆନ୍ନା ବେଲ୍ ନାମକ ଜଣେ ଟ୍ୱିଟର ବ୍ୟବହାରକାରୀଙ୍କ ଟ୍ୱିଟ୍ରୁ ଏହି ବିଷୟରେ ସୂଚନା ମିଳିଛି। ସେ ବର୍ଣ୍ଣନା କରିଛନ୍ତି, ସାମରିକ ସେବାରେ ଥିବାବେଳେ ଶୁଭ୍ରଜିତ ଗୋଡ଼ ହରାଇଥିଲେ। ସେ ଦୁଇ ସପ୍ତାହର ଯୋଜନା କରି ପର୍ଯ୍ୟଟକ ଭିସା ଆବେଦନ କରିଥିଲେ।
ଶୁଭ୍ରଜିତଙ୍କୁ ମନା କରି କୁହାଯାଇଥିଲା, ସେ ଦିବ୍ୟାଙ୍ଗ ହୋଇଥିବାରୁ ଅଷ୍ଟ୍ରେଲିଆର ସ୍ୱାସ୍ଥ୍ୟସେବା ଚାପ ବୃଦ୍ଧି କରିବେ। କିନ୍ତୁ ଜାଣିଲେ ଆଶ୍ଚର୍ଯ୍ୟ ହେବେ, ତାଙ୍କର ଟ୍ରାଭେଲ୍ ଇନ୍ସ୍ୟୁରାନ୍ସ ଅଛି ଏବଂ ପାରାପ୍ଲେଜିଆରେ ଆକ୍ରାନ୍ତ ହେବାପରେ ସେ ଚିକିତ୍ସା ସମ୍ପୂର୍ଣ୍ଣ କରିସାରିଛନ୍ତି। ତେଣୁ ତାଙ୍କୁ ଅଷ୍ଟ୍ରେଲିଆ ଚିକିତ୍ସା ସେବାର କୌଣସି ସୁବିଧା ନେବାର ଆବଶ୍ୟକତା ନଥିଲା।
ଏହା ସ୍ପଷ୍ଟ କରିଦେଇଥିଲା, ଭିସା ନଦେବାର ଉଦ୍ଦେଶ୍ୟ ସ୍ୱାସ୍ଥ୍ୟସେବା ନୁହେଁ। ଏହା ଦିବ୍ୟାଙ୍ଗଙ୍କୁ ବୈଷମ୍ୟ ବୋଲି ସେ ଅଭିଯୋଗ ଆଣିଛନ୍ତି।
ଏହି ଟ୍ୱିଟ୍କୁ ଶୁଭ୍ରଜିତଙ୍କ ସ୍ତ୍ରୀ ଏବଂ ତାଙ୍କ ପରିବାର ଲୋକେ ମଧ୍ୟ ଶେୟାର କରିଛନ୍ତି। ବର୍ତ୍ତମାନ ତାଙ୍କ ପରିବାରଲୋକେ ଶୁଭ୍ରଜିତଙ୍କ ଅଷ୍ଟ୍ରେଲିଆ ସ୍ୱପ୍ନ ପୂରଣ ପାଇଁ ଅନ୍ୟ କ’ଣ ମାର୍ଗ ରହିଛି ଜାଣିବା ପ୍ରୟାସରେ ଅଛନ୍ତି।
https://twitter.com/hereistash/status/1070840702811090945
https://twitter.com/IndiPRgirl/status/1070870449062666241
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
