ବାବ୍ରି ମସଜିଦ ଭଙ୍ଗା ଘଟଣାକୁ ୨୫ ବର୍ଷ: ଅଯୋଧ୍ୟାରେ ସୁରକ୍ଷା କଡ଼ାକଡ଼ି, ସେଦିନ ଏମିତି ଥିଲା ଚିତ୍ର

<p>ନୂଆଦିଲ୍ଲୀ: ବିବାଦୀୟ ବାବ୍ରି ମସଜିଦ ଢାଞ୍ଚା ଭଙ୍ଗା ଘଟଣାକୁ ଆଜି ୨୫ ବର୍ଷ ପୁରିଛି। &nbsp;ଏହାକୁ ବିଭିନ୍ନ ସଂଗଠନ ଭିନ୍ନ ଭିନ୍ନ ଦିବସ ଭାବେ ପାଳନ କରୁଛନ୍ତି। &nbsp;କୌଣସି ଅପ୍ରୀତିକର ଘଟଣା ଏଡ଼େଇବା ପାଇଁ ଅଯୋଧ୍ୟାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । &nbsp;ସହରର ବିଭିନ୍ନ ସ୍ଥାନକୁ ଯାଞ୍ଚ କରୁଛନ୍ତି ବୋମା ନିଷ୍କ୍ରିୟକାରୀ ଦଳ। &nbsp;କେବଳ ଅଯୋଧ୍ୟା ନୁହେଁ, କେନ୍ଦ୍ର ସରକାର ସମସ୍ତ ରାଜ୍ୟ ସରକାରଙ୍କୁ ମଧ୍ୟ ସତର୍କ ରହିବାକୁ ନିର୍ଦ୍ଦେଶ ଦେଇଛନ୍ତି । &nbsp;ଡିସେମ୍ବର ୬ ତାରିଖ ୧୯୯୨ରେ ଉତ୍ତରପ୍ରଦେଶ ଅଯୋଧ୍ୟାର ବାବ୍ରୀ ମସଜିଦକୁ ଭାଙ୍ଗି ଦିଆଯାଇଥିଲା। ୬ ଡିସେମ୍ବର ୧୯୯୨। &nbsp;ଉତ୍ତରପ୍ରଦେଶ ବାବ୍ରି ମସ୍&zwnj;ଜିଦ୍&zwnj; ଢାଞ୍ଚାକୁ ଭଙ୍ଗା ଯାଇଥିଲା। &nbsp;ସରଜୁ ନଦୀ କୂଳରେ ସେଦିନ ଜମିଥିଲା କର୍ ସେବକଙ୍କ ଭିଡ଼ । ହଜାର ହଜାର ସଂଖ୍ୟାରେ ଲୋକେ ପହଞ୍ଚିଥିଲେ ଅଯୋଧ୍ୟାରେ। &nbsp;ପରିସ୍ଥିତି ନିୟନ୍ତ୍ରଣ ପାଇଁ ବିଫଳ ହୋଇଥିଲେ ରାଜ୍ୟ ସରକାର।ବିଫଳ ହୋଇଥିଲେ କେନ୍ଦ୍ର ସରକାର। &nbsp;ମୁଖ୍ୟମନ୍ତ୍ରୀ କଲ୍ୟାଣ ସିଂହ ସଫା ସଫା ମନା କରିଥିଲେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ। &nbsp;ସେପଟେ ଦେଶର ରାଜନୀତି ରଙ୍ଗୀନ ହେଲା ଧର୍ମ ନାଁରେ। &nbsp;ଆଜି ବ୍ରାବି ଢାଞ୍ଚା ଭଙ୍ଗା ଘଟଣାକୁ ପୁରିଛି ୨୫ ବର୍ଷ । ଦୀର୍ଘ ବର୍ଷ ପରେ&nbsp; ବି ବାହାରି ପାରିନାହିଁ ସମାଧାନର ରାସ୍ତା। &nbsp;ହାଇକୋର୍ଟ ଏବଂ ପରେ ପରେ ସୁପ୍ରିମକୋର୍ଟକୁ ପହଞ୍ଚିଛି ମାମଲା। &nbsp;ତର୍କ ବିତର୍କ ମଧ୍ୟରେ ମାମଲାର ସମାଧାନ ପାଇଁ&nbsp; ହୋଇଛି ପ୍ରୟାସ।</p><p>ବ୍ରାବି ଅଞ୍ଚଳରେ ରାମ ମନ୍ଦିର ଥିବା ନେଇ ଦାବି କରି ଆସୁଛନ୍ତି ବିଭିନ୍ନ ସଂଗଠନ। &nbsp;ଅଞ୍ଚଳକୁ ନେଇ ପ୍ରଥମେ ୧୯୪୯ ମସିହାରେ ବିବାଦ ସୃଷ୍ଟି ହୋଇଥିଲା। &nbsp;ତତ୍କାଳୀନ ମହନ୍ତ ରାମଚନ୍ଦ୍ର ଦାସ ପରମହଂସ ଅଞ୍ଚଳରେ ରାମଙ୍କୁ ପୂଜା କରାଯିବା ନେଇ ଦାବି କରିଥିଲେ। &nbsp;ପରବର୍ତ୍ତି ସମୟରେ ମସ୍&zwnj;ଜିଦ୍&zwnj; ମଧ୍ୟଭାଗରେ ରାମଲାଲାଙ୍କ ମୂର୍ତ୍ତିକୁ ସ୍ଥାପନ କରାଯାଇଥିଲା। &nbsp;ଯାହା ବିରୋଧରେ କୋର୍ଟର ଦ୍ୱାରସ୍ତ ହୋଇଥିଲେ ହସିମ୍ ଅନସାରୀ। &nbsp;ଏହି ସମସ୍ତ ଘଟଣାର ଏକମାତ୍ର ସାକ୍ଷୀ ଥିଲେ ହସିମ୍ ।</p><p>ତେବେ ସେମ୍ବେର ୩୦, ୨୦୧୦ରେ ଆହ୍ଲାବାଦ୍ ହାଇକୋର୍ଟ ଶୁଣାଇଥିଲେ &zwnj;ଐତିହାସିକ ରାୟ। &nbsp;ବିବାଦୀୟ ଜମିକୁ ତିନି ଭାଗରେ ବିଭକ୍ତି ପାଇଁ ଦେଇଥିଲେ ନିର୍ଦ୍ଦେଶ। &nbsp;ନିରମୋହି ଆଖଡ଼ା, ସୁନୀ ୱାକଫ୍ ବୋର୍ଡ ଓ ତୃତୀୟ ଏବଂ ଅନ୍ତିମ ଅଞ୍ଚଳରେ ରାମଲାଲାଙ୍କ ମନ୍ଦିର ପାଇଁ ନିର୍ଦ୍ଦେଶ ଶୁଣାଇଥିଲେ କୋର୍ଟ। &nbsp;ତେବେ ମାମଲା ବିରୋଧରେ ସୁପ୍ରିମକୋର୍ଟଙ୍କ ଦ୍ୱାରସ୍ତ ହେଲେ ସମସ୍ତ ପକ୍ଷ। &nbsp;2011ରେ ମାମଲା ପହଞ୍ଚିଥିଲା ସବୋର୍ଚ୍ଚ ଅଦାଲତରେ। &nbsp;ଗତକାଲିଠୁ ସବୋର୍ଚ୍ଚ ଅଦାଲତରେ ଆରମ୍ଭ ହୋଇଛି ମାମଲାର ଅନ୍ତିମ ପଯର୍ୟାୟ ଶୁଣାଣି। &nbsp;ସମସ୍ତ ପକ୍ଷକୁ ଶୁଣିବା ସହ ଆହ୍ଲାବାଦ୍ ହାଇକୋର୍ଟଙ୍କ ନିକଟରେ ଦାଖଲ ସବୁ ଦସ୍ତାବିଜ୍ କୋର୍ଟଙ୍କ ନିକଟରେ ଦାଖଲ ପାଇଁ କହିଛନ୍ତି କୋର୍ଟ ।&nbsp; ୮ ଫେବ୍ରୁଆରୀରେ ମାମାଲାର ହେବ ପରବର୍ତ୍ତି ଶୁଣାଣି ।</p><p>ତେବେ ଆଜି କଡ଼ା ସୁରକ୍ଷା ବଳୟ ମଧ୍ୟରେ ରହିଛି ଅଯୋଧ୍ୟା । ଅପ୍ରିତିକର ପରିସ୍ଥିତିକୁ ଏଡ଼ାଇବା ପାଇଁ ସହରର ତନ ତନ ଯାଞ୍ଚ କରୁଛି ଫୋର୍ସ । ସମୟ ବଦଳିବା ସହ ବଦଳିଛି ପରିସ୍ଥିତି। &nbsp;ଆଉ ବଦଳିଛି ଲୋକଙ୍କ ଚିନ୍ତାଧାରା। କୋର୍ଟରେ ମାମଲାର ରାୟ ଆସିବା ପୂର୍ବରୁ ଆପୋଷ ବୁଝାମଣା ପାଇଁ ହୋଇଛି ପ୍ରୟାସ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।