୪ ବର୍ଷର ପୁଅ ଓ ସ୍ୱାମୀଙ୍କୁ ଏକାକରି ସବୁଦିନ ପାଇଁ ଚାଲିଗଲେ କରୋନା ଯୋଦ୍ଧା

କୋଲକାତା: ମହାମାରୀ କରୋନା ଭାଇରସ ସହ ସମ୍ମୁଖ ଭାଗରେ ରହି ଲୋକଙ୍କୁ ସୁରକ୍ଷା ଯୋଗାଇ ଦେଉଥିବାରୁ ତାଙ୍କୁ କରୋନା ଯୋଦ୍ଧାର ଆଖ୍ୟା ମିଳିଥିଲା। ହେଲେ ଲୋକଙ୍କ ସେବା କରିବା ସମୟରେ ସେ ନିଜେ କେତେବେଳେ ଏହି ପ୍ରାଣଘାତୀ ଭାଇରସରେ ଆକ୍ରାନ୍ତ ହୋଇଯାଇଥିଲେ, ସେକଥା ଜାଣିପାରି ନଥିଲେ। ଶେଷରେ ସଂକ୍ରମଣର ମାତ୍ରା ଏତେ ବଢ଼ି ଗଲା ଯେ ୩୮ ବର୍ଷୀୟ ମହିଳା ସରକାରୀ ଅଫିସର ଜଣଙ୍କ ସବୁଦିନ ପାଇଁ ଆଖି ବୁଜିଛନ୍ତି।

ଆମେ ଏଠି ୩୮ ବର୍ଷୀୟ ମହିଳା ସରକାରୀ ଅଫିସର ଦେବଦତ୍ତ ରୟଙ୍କ କଥା କହୁଛୁ। କରୋନା ସଙ୍କଟର ମୁକାବିଲା କରୁଥିବାରୁ ସେ ନିଜର ୪ ବର୍ଷର ଏକମାତ୍ର ପୁଅ ଓ ସ୍ୱାମୀଙ୍କ ଠାରୁ ଅଲଗା ରହୁଥିଲେ। ତାଙ୍କର ଗୋଟିଏ ଲକ୍ଷ୍ୟ ଥିଲା ଯେ ଲୋକଙ୍କୁ କରୋନା ସଙ୍କଟ ବେଳେ ସବୁ ପ୍ରକାରର ସୁବିଧା ସୁଯୋଗ ଯୋଗାଇ ଦେବା।

ନିଜର ଏହି ନିଷ୍ଠାପରତା ପାଇଁ ତାଙ୍କୁ ସମସ୍ତେ ପ୍ରଶଂସା କରୁଥିଲେ। ହେଲେ ଏବେ ସେ ନିଜର ପୁଅ, ସ୍ୱାମୀ ଓ ତାଙ୍କୁ ଭଲ ପାଉଥିବା ସାଧାରଣ ଲୋକଙ୍କୁ ଛାଡ଼ି ସବୁଦିନ ପାଇଁ ଆର ପାରିକୁ ଚାଲି ଯାଇଛନ୍ତି।

ଶ୍ରୀମତୀ ରୟ ହୁଗୁଳି ଜିଲ୍ଲାର ଚନ୍ଦନନଗର ସବଡିଭିଜନରେ ଡେପୁଟି ମାଜିଷ୍ଟ୍ରେଟ ଭାବେ କାର୍ଯ୍ୟ କରୁଥିଲେ। ସେ ହୁଗୁଳିକୁ ବିଭିନ୍ନ ରାଜ୍ୟରୁ ଆସୁଥିବା ଟ୍ରେନ୍‌ଗୁଡ଼ିକର ତଦାରଖ ଦାୟିତ୍ୱରେ ଥିଲେ। ଟ୍ରେନରେ ଆସୁଥିବା ଶ୍ରମିକମାନଙ୍କୁ କ୍ୟାମ୍ପରେ ରଖିବା ଓ ସେମାନଙ୍କୁ ସବୁ ପ୍ରକାରର ସୁବିଧା ଯୋଗାଇ ଦେବାର ଗୁରୁ ଦାୟିତ୍ୱ ଶ୍ରୀମତୀ ରୟ ହିଁ କରୁଥିଲେ।

ଏଥିପାଇଁ ସେ ପ୍ରବାସୀ ଶ୍ରମିକଙ୍କ ପାଇଁ ନିର୍ମାଣ ହୋଇଥିବା କ୍ୟାମ୍ପକୁ ବି ଯାଉଥିଲେ। ଏହି ସମୟରେ ସେ ସଂକ୍ରମିତ ହୋଇଥିଲେ। ଚଳିତ ମାସ ଆରମ୍ଭରୁ ତାଙ୍କ ଶରୀରରେ ସାମାନ୍ୟ କରୋନା ଲକ୍ଷଣ ଦେଖାଯାଇଥିଲା। ଏଥିପାଇଁ ସେ ହୋମ କ୍ୱାରେଣ୍ଟାଇନରେ ଥିଲେ।

ହେଲେ ରବିବାର ତାଙ୍କ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ହୋଇଥିଲା। ତାଙ୍କୁ ତୁରନ୍ତ ଶ୍ରମଜୀବୀ ହସ୍ପିଟାଲକୁ ନିଆଯାଇଥିଲା। ହେଲେ କରୋନା ତାଙ୍କ ଶରୀରରେ ଏତେ ମାତ୍ରାରେ କ୍ଷତି କରିଥିଲା ଯେ ସୋମବାର ସେ ଶେଷରେ ଆଖିବୁଜି ଦେଇଛନ୍ତି।

୨୦୧୦ ୱେଷ୍ଟ ବେଙ୍ଗଲ ସିଭିଲ ସର୍ଭିସ ବ୍ୟାଚ୍‌ର ଅଫିସର ଦେବଦତ୍ତ ରୟ ପ୍ରଥମେ ବିଡିଓ ଭାବେ ପୁରୁଲିଆରେ କାମ କରୁଥିଲେ। ହେଲେ କରୋନା ପାଇଁ ତାଙ୍କୁ ହୁଗୁଳି ଜିଲ୍ଲାର ଚନ୍ଦନନଗରକୁ ବଦଳି କରାଯାଇଥିଲା।

ସେ ଏତେ ଉଦାର ଥିଲେ ଯେ ତାଙ୍କ ଠାରୁ କନିଷ୍ଠ ଅଫିସରଙ୍କୁ ବି ଚା’ ତିଆରି କରିଦେବାକୁ ମଧ୍ୟ ପଛାଉ ନଥିଲା। ତାଙ୍କ ଅକାଳ ବିୟୋଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଟ୍ୱିଟ କରି ଶୋକବ୍ୟକ୍ତ କରିଛନ୍ତି।

ଆହୁରି ପଢ଼ନ୍ତୁ

୮,୭୦୦ କୋଟି ପ୍ରତିରକ୍ଷା ଚୁକ୍ତିକୁ ଅନୁମୋଦନ

‘ନିକମା’ ଭଳି ଶବ୍ଦକୁ ଭୁଲି ଆଗକୁ ବଢ଼ିପାରିବେ ତ ସଚିନ ପାଇଲଟ?

ଆଗାମୀ ଲୋକସଭା ନିର୍ବାଚନରେ କିଏ ହେବେ ବିଜେପିର ପ୍ରଧାନମନ୍ତ୍ରୀ ପ୍ରାର୍ଥୀ?

ରୁଷ ଟିକାର ସୁରକ୍ଷା ଯାଞ୍ଚ କରିବା ଦରକାର ବୋଲି କହିଲା ଏମ୍ସ

ମୁଁ ଶୀଘ୍ର ଫେରିବି କହି ବ୍ରେକ ନେଲେ ସଞ୍ଜୟ ଦତ୍ତ

ଦେଶରେ ମୃତ୍ୟୁହାର ୨% ତଳକୁ ଖସିଲା, ଜାଣନ୍ତୁ ଏବେ କେତେ ପ୍ରତିଶତ ରହିଛି

ରାସ୍ତା କଡ଼ ଦୋକାନୀଙ୍କ ଠେଲା ଗାଡ଼ି ଓଲଟାଇ ଦେଲେ ପୁଲିସ ବାବୁ, ଭିଡିଓ ଭାଇରାଲ

ସୁଶାନ୍ତ ସିଂହ ରାଜପୁତ ମୃତ୍ୟୁ ଘଟଣା: ପୁଲିସର ଦ୍ୱାରସ୍ଥ ହେଲେ ସୁରଜ ପାଞ୍ଚୋଲି

୧୦୨ ଦିନ ପରେ ନ୍ୟୁଜିଲ୍ୟାଣ୍ଡକୁ ଫେରିଲା କରୋନା

ମାସ୍କ ନ ପିନ୍ଧି ଯୁକ୍ତି କଲେ ରବୀନ୍ଦ୍ର ଜାଡେଜାଙ୍କ ପତ୍ନୀ

ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଅବସ୍ଥା ଏବେ ବି ସଙ୍କଟାପନ୍ନ

ବାପାପୁଅଙ୍କ ହାଜତ ମୃତ୍ୟୁ ମାମଲାର ଅଭିଯୁକ୍ତ ପୁଲିସ୍‌ ଅଧିକାରୀ କରୋନାରେ ମୃତ