କୋଲକାତା: ବେଙ୍ଗଲୀ ଅଭିନେତ୍ରୀ ପାୟଲ ଚକ୍ରବର୍ତ୍ତୀଙ୍କର ସନ୍ଦେହଜନକ ମୃତ୍ୟୁ ଘଟିଛି। ବୁଧବାର ସନ୍ଧ୍ୟାରେ ପଶ୍ଚିମବଙ୍ଗର ସିଲିଗୁଡ଼ିର ଏକ ହୋଟେଲ୍ ରୁମ୍ରୁ ତାଙ୍କ ମୃତଦେହ ଉଦ୍ଧାର କରାଯାଇଛି। ତେବେ ପ୍ରକୃତରେ ତାଙ୍କର କେମିତି ମୃତ୍ୟୁ ଘଟିଛି, ତାହା ଜଣାପଡ଼ିନି।
ସୂଚନା ଅନୁଯାୟୀ, ମଙ୍ଗଳବାର ଦିନ ପାୟଲ ହୋଟେଲ୍ରେ ରୁମ୍ ବୁକ୍ କରିଥିଲେ। ଗତକାଲି ତାଙ୍କୁ ଗ୍ୟାଙ୍ଗଟକ୍ ଯିବାର ଥିଲା। କିନ୍ତୁ ସେ ଚେକ୍ ଆଉଟ୍ କରି ନଥିଲେ। ଫଳରେ ହୋଟେଲ୍ ଷ୍ଟାଫ୍ ତାଙ୍କୁ ଡାକ ପକାଇଥିଲେ ଓ ତାଙ୍କ ରୁମ୍ କବାଟକୁ ବାରମ୍ବାର ବାଡ଼େଇଥିଲେ। କିନ୍ତୁ ଭିତରୁ କୌଣସି ଉତ୍ତର ନମିଳିବାରୁ ସେମାନେ ପୁଲିସ୍କୁ ଖବର ଦେଇଥିଲେ।
ପୁଲିସ୍ ତାଙ୍କ ମୃତଦେହକୁ ସନ୍ଦେହଜନକ ଅବସ୍ଥାରେ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲା। ତାଙ୍କ ମୃତ୍ୟୁର ପ୍ରକୃତ କାରଣ ଜଣାପଡ଼ିନି। ତେବେ ଏହା ଏକ ଆତ୍ମହତ୍ୟା ଘଟଣା ବୋଲି କୁହାଯାଉଛି।
ପାୟଲ ଉଭୟ ଫିଲ୍ମ ଓ ଟେଲିଭିଜନ୍ ଶୋ’ରେ କାମ କରୁଥିଲେ। ସେ ତାଙ୍କର ନୂଆ ଶୋ’ “Chokher Tara Tui” and “Goenda Ginni”ରେ କାମ ଆରମ୍ଭ କରିଥିଲେ। ନିକଟରେ ସେ ଫିଲ୍ମ ଦୁନିଆରେ ପାଦ ଦେଇଥିଲେ।
ତାଙ୍କର ଗୋଟିଏ ପୁଅ ଅଛି। ନିକଟରେ ସ୍ବାମୀଙ୍କ ସହ ତାଙ୍କର ଛାଡ଼ପତ୍ର ହୋଇଯାଇଥିଲା। ଏଥିପାଇଁ ସେ ଵିଷାଦରେ ରହୁଥିଲେ ବୋଲି ଶୁଣିବାକୁ ମିଳୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
