ଭାରତରେ ଦାଉଦର ସଂପତ୍ତି; ତଦନ୍ତ କରିବେ ଇଡି

ନୂଆଦିଲ୍ଲୀ: ଭାରତରେ ଅଣ୍ଡର ୱାର୍ଲଡ୍ ଡନ୍ ଦାଉଦ ଇବ୍ରାହିମର ଥିବା ସଂପତ୍ତିର ତଦନ୍ତ କରିବେ ପ୍ରବର୍ତ୍ତନ ନିଦ୍ଦେର୍ଶାଳୟ ବା ଇଡି। କେନ୍ଦ୍ର ସରକାର ଏହି ନିର୍ଦ୍ଦେଶ ଦେଇଛନ୍ତି। ଦାଉଦ ଓ ତା’ର କିଛି ସାଥୀଙ୍କର ମୁମ୍ୱାଇରେ ଅନେକ ମୂଲ୍ୟବାନ ସଂପତ୍ତି ରହିଛି। ୱେଷ୍ଟ ସାନ୍ତାକ୍ରୁଜ ସ୍ଥିତ ଜୁହୁ ତାରା ରୋଡରେ ଦାଉଦର ଏକ ହୋଟେଲ ରହିଛି। ସେଠାରେ ତା’ର ଏକାଧିକ ଫ୍ଲାଟ ମଧ୍ୟ ଥିବା ଜଣାପଡ଼ିଛି। ଏହା ସହିତ ୱର୍ଲି, ଅନ୍ଧେରୀ ଇଷ୍ଟ ଓ ମହିମରେ ଦାଉଦର କିଛି ସଂପତ୍ତି ରହିଛି। ମୁମ୍ୱାଇରେ ଦାଉଦର ଥିବା ସଂପତ୍ତି ସଂପର୍କିତ ସବିଶେଷ ତାଲିକା ଦେବାକୁ ମୁମ୍ୱାଇ ମହାନଗର ନିଗମକୁ ଇଡି କହିଛି।

ଇକବାଲ ମୀରଚୀ ନାମକ ଜଣେ ବ୍ୟକ୍ତି ପୂର୍ବରୁ ଭାରତରେ ଦାଉଦର ବ୍ୟବସାୟ ଦେଖାଶୁଣା କରୁଥିଲା। ୨୦୧୩ ଅଗଷ୍ଟ ୧୪ରେ ଲଣ୍ଡନରେ ମୀରଚୀର ମୃତ୍ୟୁ ହୋଇଥିଲା। ମୃତ୍ୟୁ ପୂର୍ବରୁ ସେ ମୁମ୍ୱାଇରେ ସମୁଦ୍ରକୁ ଲାଗି ରହିଥିବା ଚାରୋଟି ସଂପତ୍ତି ବିକ୍ରି କରି ଦେଇଥିଲା। ସେଥିରୁ ତାକୁ ୧୦୦୦ କୋଟିରୁ ଅଧିକ ଟଙ୍କା ମିଳିଥିଲା ଓ ତାହାକୁ ସେ ୟୁରୋପରେ ନିବେଶ କରିଥିଲା।

ଦୁବାଇ, ଇଂଲଣ୍ଡ, ମୋରୋକୋ, ସ୍ପେନ୍ ଓ ତୁର୍କୀ ଆଦି ଦେଶରେ ଇକବାଲର ସଂପତ୍ତି ରହିଛି। ଇଡି ପକ୍ଷରୁ ତା’ର ସଂପତ୍ତିଗୁଡ଼ିକ ସଂପର୍କରେ ଅଧିକ ତଥ୍ୟ ସଂଗ୍ରହ କରିବା ପାଇଁ ଏହି ସବୁ ଦେଶଗୁଡ଼ିକର ସରକାରଙ୍କ ସହିତ ଯୋଗାଯୋଗ କରାଯାଉଛି।

ଦାଉଦ ହେଉଛି ୧୯୯୩ ମୁମ୍ୱାଇ ବିସ୍ଫୋରଣର ମୁଖ୍ୟ ଅଭିଯୁକ୍ତ।

ଆହୁରି ପଢ଼ନ୍ତୁ

ପଡ଼ିଆରେ ବଜ୍ରପାତ, ଫୁଟବଲ୍ ଖେଳାଳିଙ୍କ ମୃତ୍ୟୁ

ଗୁଗୁଲ୍ ପ୍ଲେ ଷ୍ଟୋରରୁ ହଟିଲା ପେଟିଏମ୍

ମୋଦି ସରକାରଙ୍କ କୃଷି ଆଇନରେ କଣ ରହିଛି, ଯାହାକୁ ଚାଷୀ ବିରୋଧ କରୁଛନ୍ତି

ଅକାଳୀଙ୍କ ପଦକ୍ଷେପ ପରେ ବିଜେପିର ହରିୟାଣା ସହଯୋଗୀ ଜେଜେପି ଉପରେ ଚାପ

ଚଷମା ପିନ୍ଧିଲେ କରୋନାରେ ସଂକ୍ରମିତ ହେବାର ସମ୍ଭାବନା କମ୍: ରିପୋର୍ଟ

ଚାଷ ବିଲ୍‌ ନେଇ କେନ୍ଦ୍ର ସରକାରରୁ ଇସ୍ତଫା ଦେଲେ ଅକାଳୀ ନେତ୍ରୀ

କୋଭିଡରେ ଚାଲିଗଲେ ବିଜେପି ସାଂସଦ

ସୁଶାନ୍ତଙ୍କ ପୂର୍ବତନ ମ୍ୟାନେଜର ଦିଶା ଆତ୍ମହତ୍ୟା କରି ନାହାନ୍ତି: ନୀତେଶ ରାଣେ

କୋଭିଡରେ ଆକ୍ରାନ୍ତ ଗର୍ଭବତୀ ଗୁରୁତର ହୋଇପାରନ୍ତି: ରିପୋର୍ଟ

‘ଚୀନର କଥା ଏବଂ କାମରେ ପାର୍ଥକ୍ୟ ରହିଛି’

ଓଡ଼ିଶା ସମେତ ବିଭିନ୍ନ ରାଜ୍ୟରେ ପ୍ରବଳ ବର୍ଷା ସମ୍ଭାବନା

ଡ୍ରଗ୍ସ ଲିଙ୍କ୍ ପ୍ରସଙ୍ଗ: ମିଡିଆ ଟ୍ରାଏଲ ନେଇ ହାଇକୋର୍ଟ ଗଲେ ଅଭିନେତ୍ରୀ