ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ବୀରଭଦ୍ର ସିଂଙ୍କୁ ସିବିଆଇ ଜେରା

ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ଥିବା ବେଳେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ବୀରଭଦ୍ର ସିଂଙ୍କୁ ଆଜି ସିବିଆଇ ଜେରା କରିଛି। ୨୦୦୯-୨୦୧୨ ମଧ୍ୟରେ ୟୁପିଏ ସରକାରରେ ମେନ୍ଦ୍ରମନ୍ତ୍ରୀ ଥିବା ବେଳେ ସିଂ ନିଜ ନାଁରେ ଓ ନିଜ ପରିବାର ସଦସ୍ୟଙ୍କ ନାଁରେ ୬.୦୩ କୋଟି ଟଙ୍କାର ଆୟ ବହିର୍ଭୂତ ସମ୍ପତ୍ତି ଠୁଳ କରିଥିବା ଅଭିଯୋଗ ହୋଇଥିଲା। ୮୧ ବର୍ଷିୟ ସିଂଙ୍କୁ ସିବିଆଇ ମୁଖ୍ୟ କାର୍ଯ୍ୟାଳୟରେ ପଚରାଉଚରା କରାଯାଇଥିଲା।

ଦିଲ୍ଲୀର ଗୋଟିଏ କ୍ଷମତାପ୍ରାପ୍ତ କୋର୍ଟରେ ଭ୍ରଷ୍ଟାଚାର ନିରୋଧ ଆଇନ ଅନୁଯାୟୀ ଦାୟର ମାମଲାରେ ସିଂ ତାଙ୍କ ପତ୍ନୀ ପ୍ରତିଭା ସିଂ ଏଲ୍‌ଆଇସି ଏଜେଣ୍ଟ ଆନନ୍ଦ ମୋହନ ଓ ଚିନିଲାଲ ଚୌହାନଙ୍କୁ ପକ୍ଷଭୁକ୍ତ କରାଯାଇଥିଲା।

ତେବେ ଏପରି ଅଭିଯୋଗକୁ ସିଂ ଖଣ୍ଡନ କରିଛନ୍ତି।

ଜଣେ ସିବିଆଇ ଅଧିକାରୀ କହିଛନ୍ତି, “ଆୟ ବହିର୍ଭୂତ ସମ୍ପତ୍ତିକୁ କୃଷିରୁ ଆୟ କରିଥିବା ଦର୍ଶାଇ ନିଜ ନାମରେ ତଥା ନିଜ ପତ୍ନୀ ଓ ପରିବାରର ଅନ୍ୟ ସଦସ୍ୟଙ୍କ ନାମରେ ଜଣେ ଏଜେଣ୍ଟ ମାଧ୍ୟମରେ ଏଲ୍‌ଆଇସି ପଲିସିରେ ସିଂ ନିବେଶ କରିଥିଲେ।”

ସିବିଆଇ କହିଥିଲା, “୨୦୦୮ ଜୁନ ୧୫ରେ ସିଂ ଏବଂ ଚୌହାନ ମିଶି ୩ ବର୍ଷିୟା ଏମ୍‌ଓୟୁ କରିଥିଲେ। ଫଳ ବଗିଚାର ରକ୍ଷଣାବେକ୍ଷଣା ପାଇଁ ଏମ୍‌ଓୟୁ କରାଯାଇ ୫ କୋଟି ଟଙ୍କା ଚୌହାନ ନିଜ ବ୍ୟାଙ୍କ ଖାତାରେ ଜମା କରିଥିଲେ। ପରେ ସେ ଏହି ଟଙ୍କାକୁ ଚେକ୍‌ ମାଧ୍ୟମରେ କାଢି ଏଲ୍‌ଆଇସି ପଲିସିରେ ଲଗାଇଥିଲେ।

ସିବିଆଇ କହିଥିଲା ଯେ ସିଂ ନିଜ ସଂଶୋଧିତ ଆଇଟି ରିଟର୍ଣ୍ଣରେ କୃଷିରୁ ଯେଉଁ ଆୟ ଦର୍ଶାଇ ଥିଲେ ତାହା ଗ୍ରହଣୀୟ ନୁହେଁ। ତତ୍କାଳୀନ କେନ୍ଦ୍ରମନ୍ତ୍ରୀ ଅନ୍ୟ ସମ୍ପତ୍ତି ମଧ୍ୟ ଆହରଣ କରିଥିଲେ ଯାହା ତାଙ୍କ ଆୟ ବହିର୍ଭୂତ ସମ୍ପତ୍ତି ଥିଲା।”

ଆହୁରି ପଢ଼ନ୍ତୁ

ପ୍ରଧାନମନ୍ତ୍ରୀଙ୍କୁ ଘେରିଲା କଂଗ୍ରେସ

ରାସ୍ତା ମଝିରୁ ୨୦ ଲକ୍ଷ ଲୁଟ୍

ମୁଲାୟମଙ୍କ ସ୍ତ୍ରୀ ହସ୍ପିଟାଲରେ ଭର୍ତ୍ତି

ଏମ୍ସର ଚତୁର୍ଥ ମହଲାରୁ ଡେଇଁ ପଡ଼ିଲେ କରୋନା ଆକ୍ରାନ୍ତ ସାମ୍ୱାଦିକ

ମୋଦିଙ୍କ ବିଫଳତା ଉପରେ ହାଭାର୍ଡରେ ପାଠ ପଢ଼ା ହେବ: ରାହୁଲ

ଓଲିଙ୍କ ଗାଦି ରକ୍ଷା ପାଇଁ ଚୀନ୍ ଆକ୍ଟିଭ୍

ଉପରେ ବୁଲିଲା ଆମେରିକାର ଲଢ଼ୁଆ ବିମାନ, ଜଳକା ସାଜିଲା ଚୀନ୍

ଦୁଇ ଘଣ୍ଟା କଥା ହେଲେ ଡୋଭାଲ, ୨ କିଲୋମିଟର ପଛକୁ ହଟିଲା ଡ୍ରାଗନ!

ଭାରତ-ଚାଇନା ବିବାଦ: ଡୋକଲାମ ୭୩ ଦିନ, ଲଦାଖ ୬୦ ଦିନ, କେମିତି ଥିଲା ପୂରା ଘଟଣା

ଦେଶରେ ଏଯାଏ କେତେ କରୋନା ଟେଷ୍ଟ ହେଲାଣି? ସୂଚନା ଦେଲା ଆଇସିଏମଆର

ପ୍ଲାଜମା ଦେଲେ ସମ୍ବିତ ପାତ୍ର, କରୋନାରୁ ସୁସ୍ଥ ହୋଇଥିଲେ

ଚାଇନା ସୀମାନ୍ତରେ ମୁତୟନ ଯବାନଙ୍କ ପାଇଁ ସ୍ୱତନ୍ତ୍ର ଟେଣ୍ଟ କିଣିବ ଭାରତ