କାନପୁର: ଆସନ୍ତା ଫେବୃଆରୀ ୨୪ରେ ଭାରତ ଗସ୍ତରେ ଆସୁଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଏଥିପାଇଁ ସରକାରୀ ସ୍ତରରେ ଏବଂ ବିଜେପି କର୍ମୀଙ୍କ ମଧ୍ୟରେ ନାହିଁନଥିବା ଉତ୍ସାହ। ତେବେ ଏ ଉତ୍ସାହ ମଧ୍ୟରେ ଅନ୍ୟତମ ଉତ୍ସାହୀ ହେଉଛନ୍ତି କାନପୁରର ମିଠା ଦୋକାନୀ ଅଜୟ ଗୁପ୍ତା ବା ରାଜୁ।
ସୂଚନାଯୋଗ୍ୟ ଯେ, କିଛି ବିଜେପି କର୍ମୀଙ୍କ ମିଠାରୁ ମିଠା ଅର୍ଡର ପାଇଛନ୍ତି କାନପୁରର ରେଲ ବଜାରରେ ଥିବା ଶାନ୍ତି ସ୍ୱିଟ୍ ହାଉସ୍। ଏଥିନେଇ ଉତ୍ସାହିତ ରାଜୁ କହିଛନ୍ତି, “ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଉପହାର ଆକାରରେ ଦିଆଯିବାକୁ ଥିବା ମିଠା ପାଇଁ କିଛି ବିଜେପି କର୍ମୀଙ୍କଠାରୁ ମୁଁ ଅର୍ଡର ପାଇଛି। ଆମେ ପାରମ୍ପରିକ କାନପୁର ମିଠା ପ୍ରସ୍ତୁତ କରୁଛୁ ଏବଂ ଗର୍ବିତ ଯେ କାନପୁରରୁ ମିଠା ଟ୍ରମ୍ପଙ୍କୁ ଦିଆଯିବ। ଆମେ ଏହି ମିଠାରେ ନମସ୍ତେ ଟ୍ରମ୍ପ ସ୍ଲୋଗାନ ଲେଖୁଛୁ।”
ଜ୍ଞାନେଶ ମିଶ୍ର ନାମକ ଜଣେ ସ୍ଥାନୀୟ ବିଜେପି କର୍ମୀ କହିଛନ୍ତି, ମୁଁ ହାଇଦ୍ରାବାଦର ମୋଟେରା ଷ୍ଟାଡିଅମ୍ ଯିବି। ସେଠାରେ ଟ୍ରମ୍ପଙ୍କୁ ମିଠା ଉପହାର ଦେବାର ପ୍ରୟାସ କରିବି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
