ପାଟନା: ବିହାରର ଭାଗଲପୁର ଗଙ୍ଗାନଦୀରେ ଘଟିଛି ବଡ଼ ଅଘଟଣ, ଯେଉଁଠାରେ ଏକ ଡଙ୍ଗା ଓଲଟି ପଡ଼ିଛି। ସେହି ଡଙ୍ଗାରେ ୧୦୦ରୁ ଅଧିକ ଲୋକେ ଥିବା ଜଣାପଡ଼ିଛି, ଯେଉଁଥିରେ କିଛି ମହିଳା ଓ ଶିଶୁ ମଧ୍ୟ ଥିଲେ। ଏପର୍ଯ୍ୟନ୍ତ ୧୧ ଜଣ ଲୋକଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି ଏବଂ ସେମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ଜଣଙ୍କର ମୃତଦେହ ମିଳିଥିବା ଜଣାପଡ଼ିଛି। ଏବେବି ଏକାଧିକ ନିଖୋଜ ଅଛନ୍ତି। ସୂଚନା ପାଇ ସ୍ଥାନୀୟ ପ୍ରଶାସନ ଓ ଲୋକେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଦେଇଛନ୍ତି।
https://twitter.com/ANI/status/1324228819666923520?s=20
ମିଳିଥିବା ସୂଚନା ଅନୁଯାୟୀ, ଗୁରୁବାର ସକାଳେ ତିନଟଙ୍ଗାରୁ ଏକ ଡଙ୍ଗା କିଛି ଲୋକଙ୍କୁ ନେଇ ଦିୟାରା ଅଭିମୁଖେ ବାହାରିଥିଲେ। ତେବେ ଡଙ୍ଗାଟି ଯେତେବେଳେ ନଦୀର ମଝିରେ ପହଞ୍ଚିଲା, ସେତେବେଳେ ଜୋରରେ ପବନ ବୋହିଥିଲା ଏବଂ ଭଅଁର ଭିତରେ ଫସିଯାଇଥିଲା। ଯାହା ଫଳରେ ଡଙ୍ଗାଟି ଓଲଟି ଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
