ସାଓ ପାଓଲୋ: ବ୍ରାଜିଲ ରାଷ୍ଟ୍ରପତି ଜୈର ବୋଲସୋନାରୋ ଅସ୍ଥାୟୀ ଭାବେ ସ୍ମରଣ ଶକ୍ତି ହରାଇଥିବା ସୂଚନା ମିଳିଛି। ସେ ତାଙ୍କ ସରକାରୀ ବାସଭବନରେ ପଡ଼ିଯାଇ ମୁଣ୍ଡ ମାଡ଼ ହୋଇଯିବାରୁ ଏପରି ହୋଇଥିବା ଜଣା ପଡ଼ିଛି।
ଏହି ୬୪ ବର୍ଷ ବୟସ୍କ ବ୍ୟକ୍ତି ସୋମବାର ରାତିରେ ବାଥରୁମ୍ ଯାଇଥିବାବେଳେ ପଡ଼ିଯାଇଥିଲେ। ସେ ନିଜେ କହିଛନ୍ତି, ତାଙ୍କର କିଛି ଘଟଣା ମନେ ପଡ଼ୁନାହିଁ। ଗତ କାଲି, ଆଜି ସକାଳେ ତାଙ୍କ ସହ ଘଟିଥିବା କିଛି ଘଟଣା ସେ ଭୁଲିଯାଇଥିଲେ। ପରେ ସେ ସେସବୁ ମନେ ପକାଇଥିଲେ ଏବଂ ବର୍ତ୍ତମାନ ଠିକ୍ ଥିବା କହିଛନ୍ତି। ସେ ଗତ କାଲି କ’ଣ କରିଥିଲେ ତାଙ୍କର କିଛି ମନେ ପଡ଼ୁନଥିବା ପୂର୍ବରୁ କହୁଥିଲେ।
ଏହି ଦୁର୍ଘଟଣା ପରେ ତାଙ୍କୁ ବ୍ରାସିଲିଆର ସେନା ହସ୍ପିଟାଲରେ ଭର୍ତ୍ତି କରାଯାଇଥିଲା। ମଙ୍ଗଳବାର ତାଙ୍କୁ ରିଲିଜ୍ କରାଯାଇଥିଲେ ହେଁ ବିଶ୍ରାମ ନେବାକୁ ପରାମର୍ଶ ଦିଆଯାଇଥିଲା। ସିଟି ସ୍କାନ୍ରୁ ଜଣାପଡ଼ିଥିଲା ଏବେ କିଛି ସମସ୍ୟା ନାହିଁ।
ବ୍ରାଜିଲ ରାଷ୍ଟ୍ରପତି ସେଦିନର ଘଟଣା ବାବଦରେ କହିଛନ୍ତି, ମୋ ଗୋଡ଼ ଖସିଗଲା ଏବଂ ମୁଁ ପଛପଟିଆ ପଡ଼ିଗଲି। ଏହା ମୋତେ ଆଘାତ ଦେଇଛି ନିଶ୍ଚୟ। ମୁଁ ଏବେ ନିଜର ଦାୟିତ୍ୱ ନେଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
