ଚିନ୍ମୟାନନ୍ଦ ବିଜେପିର ସଦସ୍ୟ ନାହାନ୍ତି: ବିଜେପି

ଲକ୍ଷ୍ମୌ: ଯୌନ ନିର୍ଯାତନା ମାମଲାରେ ଜେଲ୍ ଯାଇଥିବା ଚିନ୍ମୟାନନ୍ଦ ବିଜେପିରେ ଆଉ ନାହାନ୍ତି। ଚିନ୍ମୟାନନ୍ଦଙ୍କ ନାଁରେ ମାସେ ହେବ ଯୌନ ନିର୍ଯାତନା ଅଭିଯୋଗ ଆସିବା ପରେ ବିଜେପି ନେତା ତାଙ୍କ ବାବଦରେ ପ୍ରଥମ ଥର ପ୍ରତିକ୍ରିୟା ରଖିଛନ୍ତି। ଉତ୍ତର ପ୍ରଦେଶ ବିଜେପି ମୁଖପାତ୍ର ହରୀଶ ଶ୍ରୀବାସ୍ତବ କହିଛନ୍ତି ମୁଁ ଦଳ ତରଫରୁ ଏହି ପ୍ରତିକ୍ରିୟା ରଖୁଛି।

ତେବେ କେବେଠୁ ସେ ବିଜେପିରୁ ସଦସ୍ୟ ନାହାନ୍ତି ସାମ୍ୱାଦିକଙ୍କ ଏହି ପ୍ରଶ୍ନରେ ସେ ଗାଲେଇବାକୁ ଯାଇ ତାରିଖ ବା ଦିନ ବାବଦରେ ଚିତ୍ର ଅସ୍ପଷ୍ଟ ରଖିଥିଲେ।

୭୩ ବର୍ଷୀୟ ଚିନ୍ମୟାନନ୍ଦ ତିନି ଥର ସାଂସଦ ଥିବା ବେଳେ ଅଟଳ ବିହାରୀ ବାଜପେୟୀ ସରକାରରେ କେନ୍ଦ୍ର ରାଜ୍ୟ ସ୍ୱରାଷ୍ଟ୍ର ମନ୍ତ୍ରୀ ଥିଲେ।

ସୂଚନାଯୋଗ୍ୟ, ଗତ ଶୁକ୍ରବାର ଚିନ୍ମୟାନନ୍ଦଙ୍କୁ ପୁଲିସ ଗିରଫ କରିଛି। ତାଙ୍କ କଲେଜରେ ପଢ଼ୁଥିବା ଜଣେ ଆଇନ୍ ଛାତ୍ରୀଙ୍କୁ ଯୌନ ନିର୍ଯାତନା ଦେଇଥିଲେ ବୋଲି ଅଭିଯୋଗ ରହିଥିଲା। ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ଏସଆଇଟି ଏବେ ମାମଲାର ତଦନ୍ତ କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।