ଚିକେନ୍‌ ଖାଇ କରୋନା ଗୁଜବକୁ ମାତ୍‌ ଦେଲେ ମନ୍ତ୍ରୀ

ନୂଆଦିଲ୍ଲୀ: ଚିକେନ୍‌ ଆଉ ଅଣ୍ଡା ଖାଇଲେ କୁଆଡ଼େ କରୋନା ଭାଇରସ୍‌ର ପାଲରେ ପଡ଼ିବାକୁ ହେବ। ଏଭଳି ଗୁଜବ ଚାରିଆଡ଼େ କୁକୁଡ଼ା ବ୍ୟବସାୟକୁ ପ୍ରଭାବିତ କରିବାକୁ ଆରମ୍ଭ କରିଛି। କିନ୍ତୁ ଏହି ଗୁଜବକୁ ମାତ୍‌ ଦେବା ପାଇଁ ତେଲେଙ୍ଗାନାର ଜଣେ ମନ୍ତ୍ରୀ କୁକୁଡ଼ା ଭୋଜି ଆୟୋଜନ କରିବା ଏବେ ଚର୍ଚ୍ଚାରେ ରହିଛି।

ତେଲେଙ୍ଗାନା ମନ୍ତ୍ରୀ କେଟି ରାମା ରାଓ ଏଭଳି ସଚେତନତା କରିଛନ୍ତି। ଚିକେନ୍‌ ଆଉ ଅଣ୍ଡା ଖାଇଲେ କୁଆଡ଼େ ନୋବେଲ୍‌ କରୋନା ଭାଇରସ୍‌ ଜନିତ

କୋଭିଡ୍‌-୧୯ ରୋଗ ହେବ ବୋଲି କରାଯାଉଥିବା ଗୁଜବକୁ ଏଡ଼ାଇବାକୁ ଯାଇ ରାମାରାଓ ଏଭଳି ସଚେତନତା କରିଛନ୍ତି।

ସୂଚନାଯୋଗ୍ୟ ଯେ, ବର୍ତ୍ତମାନ ସୁଦ୍ଧା ହୋଇଥିବା ୨,୯୦୦ ମୃତ୍ୟୁ ମଧ୍ୟରୁ ଅଧିକାଂଶ ଚାଇନାରେ ହୋଇଛି। ଇରାନ ଏବଂ ଦକ୍ଷିଣ କୋରିଆ ପରି ଦେଶରେ ମଧ୍ୟ ଏହା ଭୟ ସୃଷ୍ଟି କରିଛି। ଭାରତରେ କେରଳରେ ୩ ଜଣଙ୍କଠାରେ ଏହି ଭୂତାଣୁ ଚିହ୍ନଟ କରାଯାଇଥିଲା ଏବଂ ପରେ ସେମାନଙ୍କୁ ସୁସ୍ଥ ଘୋଷଣା କରାଯାଇଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।