ଅହମଦାବାଦ: ଆଜି ଗୁଜରାଟ ଉପକୂଳରେ ଲ୍ୟାଣ୍ଡଫଲ୍ କରିବାକୁ ଥିବା ସାମୁଦ୍ରିକ ଝଡ଼ ‘ବାୟୁ’ର ଗତିପଥ ବଦଳି ଯାଇଛି। ଏହା ଏବେ ପାକିସ୍ତାନ ଆଡ଼କୁ ମୁହାଁଇଥିବା ସୂଚନା ମିଳିଛି। ‘ବାୟୁ’ ଗୁଜରାଟର ସମୁଦ୍ର ଉପକୂଳ ଦେଇ ପାକିସ୍ତାନ ଓ ଓମାନ ଆଡ଼କୁ ମୁହାଁଇଛି। ଏହା ଗୁଜରାଟରେ ଲ୍ୟାଣ୍ଡଫଲ୍ ନକଲେ ବି ଉପକୂଳବର୍ତ୍ତୀ ଜିଲ୍ଲା ଗୁଡ଼ିକରେ ପ୍ରବଳ ପବନ ସାଙ୍ଗକୁ ବର୍ଷା ହେବ ବୋଲି ଆକଳନ କରିଛି ଭାରତୀୟ ପାଣିପାଗ ବିଭାଗ।
ଆରବ ସାଗରରେ ସୃଷ୍ଟ ‘ବାୟୁ’ ଏବେ ଗୁଜରାଟର ଦକ୍ଷିଣପଶ୍ଚିମ ସ୍ଥିତ ଭେରଭାଲରୁ ୧୩୦ କିଲୋମିଟର ଦୂର ଏବଂ ପୋରବନ୍ଦରରୁ ୧୮୦ କିଲୋମିଟର ଦୂରରେ ଥିବା ଜଣାପଡ଼ିଛି। ଆଜି ଅପରାହ୍ନରେ ସୌରାଷ୍ଟ୍ର ଉପକୂଳ ଦେଇ ଏହି ସାମୁଦ୍ରିକ ଝଡ଼ ପଳାଇବ ବୋଲି ସୂଚନା ରହିଛି। ଏହି ସମୁଦ୍ର ଉପକୂଳ ଦେଇ ପାକିସ୍ତାନ ଆଡ଼କୁ ଯିବା ସମୟରେ ପବନର ବେଗ ଘଣ୍ଟା ପ୍ରତି ୧୩୫ରୁ ୧୪୫ କିଲୋମିଟର ରହିପାରେ।
ଅନ୍ୟପକ୍ଷରେ ‘ବାୟୁ’ ଗୁଜରାଟ ଉପକୂଳ ଆଡ଼କୁ ଯେତିକି ପାଖେଇ ଆସୁଛି ସମୁଦ୍ର ସେତେ ଅଶାନ୍ତ ହୋଇପଡ଼ୁଛି। ପୋରବନ୍ଦରରେ ଥିବା ଚୌପଟ୍ଟି ସମୁଦ୍ର ତଟ ଅଶାନ୍ତ ହୋଇ ପଡ଼ିଛି। ଆଜି ପୋରବନ୍ଦର ଏବଂ ମହୁଭରେ ଭିତରେ ଏହି ସାମୁଦ୍ରିକ ଝଡ଼ ଲ୍ୟାଣ୍ଡଫଲ କରିବ ବୋଲି ସୂଚନା ଥିଲା।
#WATCH Gujarat: Visuals from Chowpatty beach in Porbandar as the sea turns violent. #CycloneVayu is very likely to cross Gujarat coast between Porbandar and Mahuva as a very severe cyclonic storm, today. pic.twitter.com/NnCornrMqe
— ANI (@ANI) June 13, 2019
‘ବାୟୁ’ ଗୁଜରାଟ ଉପକୂଳ ଛୁଇଁ ନଥିବା ବେଳେ ଏହାର ପ୍ରଭାବରେ ହେଉଥିବା ପବନରେ ଗିର ସୋମନାଥ ଜିଲ୍ଲାରେ ଥିବା ସୋମନାଥ ମନ୍ଦିରର ପ୍ରବେଶ ପଥ କ୍ଷତିଗ୍ରସ୍ତ ହୋଇଛି।
Gujarat: The shed at the entrance of Somnath Temple, in Gir Somnath district, damaged due to strong winds. #CycloneVayu pic.twitter.com/RpFjZzXUj4
— ANI (@ANI) June 13, 2019
ଏହାର ପ୍ରଭାବରେ ରାଜ୍ୟର ଉପକୂଳବର୍ତ୍ତୀ ଅଞ୍ଚଳରେ ଜୋରରେ ପବନ ବହୁଥିବା ବେଳେ ଅନ୍ୟାନ୍ୟ ଅଞ୍ଚଳରେ ବି ଏହାର ପ୍ରଭାବ ଦେଖିବାକୁ ମିଳିଛି।
ବାତ୍ୟା ‘ବାୟୁ’କୁ ଦୃଷ୍ଟିରେ ରଖି ୫୦୦ଟି ଗାଁର ୨ ଲକ୍ଷ ୧୫ ହଜାର ଲୋକଙ୍କୁ ସ୍ଥାନାନ୍ତର କରାଯାଇଥିବାବେଳେ ୧୦ ହଜାର ପର୍ଯ୍ୟଟକଙ୍କୁ ସୁରକ୍ଷିତ ସ୍ଥାନକୁ ପଠାଇ ଦିଆଯାଇଛି। ସେହିପରି ୧୧୦ଟି ଟ୍ରେନ୍କୁ ବାତିଲ କରାଯାଇଥିବା ସୂଚନା ରହିଛି। ପ୍ରବଳ ବେଗରେ ପବନ ବହୁଥିବାରୁ ଗତକାଲି ରାତିରୁ ବିମାନବନ୍ଦର ବନ୍ଦ ରଖାଯାଇଛି। ପୋରବନ୍ଦର, ଦୀବ, ଭାବାନଗର, କେଶୋଦ ଆମ୍ବା କାଣ୍ଡଲାରେ ବିମାନ ସେବା ବନ୍ଦ ରହିଛି। ଏଥିସହ ଆଜି ଏବଂ କାଲି ସମସ୍ତ ସ୍କୁଲ ଓ କଲେଜଗୁଡ଼ିକୁ ବନ୍ଦ କରି ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
