ନୂଆଦିଲ୍ଲୀ: ଦୀପବଳୀ ପୂର୍ବରୁ ମୋଦି ସରକାର କେନ୍ଦ୍ରୀୟ କର୍ମଚାରୀ ଓ ପେନସନ୍ ଭୋଗୀଙ୍କୁ ଉପହାର ଦେଇଛନ୍ତି। କେନ୍ଦ୍ର କର୍ମଚାରୀ ଏବଂ ପେନ୍ସନ୍ଭୋଗୀଙ୍କ ୨ ପ୍ରତିଶତ ଡିଏ ବୃଦ୍ଧିକୁ ଆଜି କ୍ୟାବିନେଟ୍ ମଞ୍ଜୁରୀ ଦେଇଛନ୍ତି। ଏହାଦ୍ୱାରା ୫୦ଲକ୍ଷ କେନ୍ଦ୍ରୀୟ କର୍ମଚାରୀ ଏବଂ ୫୮ଲକ୍ଷ ପେନ୍ସନ୍ଭୋଗୀ ଉପକୃତ ହେବେ।
ଚଳିତବର୍ଷ ପ୍ରାରମ୍ଭରେ କେନ୍ଦ୍ର ସରକାର ଡିଏ ୬ ପ୍ରତିଶତ ବଢ଼ାଇ ୧୨୫ ପ୍ରତିଶତ କରିଥିଲେ। ପରେ ସପ୍ତମ ବେତନ ଆୟୋଗର ସୁପାରିସ କ୍ରମେ ଏହାକୁ ବେସିକ ଦରମା କରି ଦିଆଯାଇଥିଲା। ୨୦୧୬ ଜୁଲାଇରୁ ଡିଏ ବଢ଼ିଥିଲେ ମଧ୍ୟ ତାହା ଲାଗୁ କରାଯାଇନାହିଁ। ବୃଦ୍ଧି କରାଯାଇଥିବା ଡିଏ ଗତ ଜୁଲାଇରୁ ଲାଗୁ କରାଯିବ।
ବର୍ଷରେ ଦୁଇ ଥର କେନ୍ଦ୍ର ସରକାର ଡିଏ ବୃଦ୍ଧି କରିଥାନ୍ତି। ପ୍ରଥମେ ଜାନୁଆରୀ ଓ ପରେ ଜୁଲାଇରେ ଡିଏ ବୃଦ୍ଧି ହୋଇଥାଏ। ତେବେ ଚଳିତବର୍ଷ ଅକ୍ଟୋବର ମାସ ଶେଷ ହେବାକୁ ଯାଉଥିବା ବେଳେ କେନ୍ଦ୍ର ସରକାର ଡିଏ ବୃଦ୍ଧି ନେଇ କୌଣସି ଘୋଷଣା ନ କରିବାରୁ କର୍ମଚାରୀ ସଂଘ ଅସନ୍ତୋଷ ପ୍ରକାଶ କରିବା ସହ ତୁରନ୍ତ ଘୋଷଣା କରିବାକୁ ଦାବି କରିଥିଲା। ଏହାସହ ଦୀପାବଳୀ ପୂର୍ବରୁ ବାକି ଥିବା ଟଙ୍କା ଆକାଉଣ୍ଟସକୁ ଟ୍ରାନ୍ସଫର କରିବାକୁ ସଂଘ ଦାବି କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
