ମାସ୍କ ନପିନ୍ଧିବାରୁ ପୁଲିସ ଅଧିକାରୀ ନିଲମ୍ୱିତ

ନୂଆଦିଲ୍ଲୀ: ମାସ୍କ ନଲଗାଇବାରୁ ଦିଲ୍ଲୀ ପୁଲିସ୍‌ର ଜଣେ ଏଏସଆଇ ନିଲମ୍ୱିତ ହୋଇଛନ୍ତି। ପ୍ରଥମ ଥର ପାଇଁ ଏଭଳି ଏକ ଘଟଣା ଦେଖିବାକୁ ମିଳିଛି, ଯେଉଁଠି କରୋନା ନିୟମ ଉଲ୍ଲଂଘନ ଅଭିଯୋଗରେ ଜଣେ ପୁଲିସ କର୍ମଚାରୀ ନିଲମ୍ୱିତ ହୋଇଛନ୍ତି। ନିଲମ୍ୱିତ ଏସଆଇ ସୁରେନ୍ଦ୍ର କୁମାର ବୋଲି ଜଣାପଡ଼ିଛି। ଦିଲ୍ଲୀ ଆର୍ମଡ ପୁଲିସରେ ସେ ନିୟୋଜିତ ଥିଲେ।

ସୂଚନାଯୋଗ୍ୟ, ଜୁନ୧ରେ ଡିସିପି ସତ୍ୟବୀର କଟାରା କରୋନା ନିୟମ ଠିକ୍ ଭାବରେ ପାଳନ ହେଉଛି କି ନାହିଁ ବୁଲି ଦେଖୁଥିଲେ। ଏହି ସମୟରେ ଏଏସ୍‌ଆଇ ଜଣଙ୍କ ମୁହଁରେ ମାସ୍କ ବାନ୍ଧି ନଥିବା ଦେଖିବାକୁ ମିଳିଥିଲା। ଏହାପରେ ଡିସିପି ତାଙ୍କ ଭପରେ ବର୍ଷିଥିଲେ। ଶେଷରେ ନିୟମ ଉଲ୍ଲଂଘନ ଅଭିଯୋଗରେ ତାଙ୍କୁ ନିଲମ୍ବନ କରିଥିଲେ।

ଦିଲ୍ଲୀ ପୁଲିସ କାର୍ଯ୍ୟାଳୟର ସୂଚନା ଅନୁଯାୟୀ, ଏଏସଆଇ ଜଣଙ୍କ କହିଥିଲେ ଯଆ ଗରମ ହେଉଥିବାରୁ ସେ ମାସ୍କଟିକୁ କିଛି ସମୟ ପାଇଁ ଖୋଲି ଦେଇଥିଲେ। ହେଲେ ତାଙ୍କ କଥାକୁ କେହି କର୍ଣ୍ଣପାତ କରି ନଥିବା ଜଣାପଡ଼ିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।