ମହିଳା ପାଳିଲେ ବିଜୟ ଉତ୍ସବ, ପୁଲିସ୍ ବାଣ୍ଟିଲା ମିଠା

ନୂଆଦିଲ୍ଲୀ: ‘ନିର୍ଭୟା’ ଗଣଦୁଷ୍କର୍ମ ଓ ହତ୍ୟା ମାମଲାର ୪ ଦୋଷୀ ଅକ୍ଷୟ କୁମାର ସିଂହ, ପୱନ ଗୁପ୍ତା, ବିନୟ ଶର୍ମା ଏବଂ ମୁକେଶ ସିଂହଙ୍କୁ ଆଜି ସକାଳ ଠିକ୍ ସାଢ଼େ ୫ଟାରେ ଦିଲ୍ଲୀର ତିହାର ଜେଲ୍‌ରେ ଫାଶୀ ଦିଆଯାଇଛି। ଫାଶୀଖୁଣ୍ଟରେ ଝୁଲିବାର ଅଧାଘଣ୍ଟା ପରେ ସେମାନଙ୍କୁ ମୃତ ଘୋଷଣା କରାଯାଇଥିଲା। ସେମାନଙ୍କୁ ଫାଶୀ ଦିଆଯିବା ପରେ ତିହାର ଜେଲ୍ ବାହାରେ ଜମା ହୋଇଥିବା ମହିଳାମାନେ ବିଜୟ ଉତ୍ସବ ପାଳିଥିଲେ। ଜେଲ୍‌ ଆଗରେ ଉପସ୍ଥିତ ମହିଳା ଆଇନଜୀବୀମାନଙ୍କ ସହିତ ମିଶି ସେମାନେ ଏହି ବିଜୟ ଦିବସ ପାଳିଥିଲେ। ୭ ବର୍ଷର ଲଢ଼େଇ ପରେ ଶେଷରେ ନ୍ୟାୟ ମିଳିଲା ବୋଲି ସେମାନେ କହିଥିଲେ।

ସେହିପରି ‘ନିର୍ଭୟା’ ଦୋଷୀଙ୍କୁ ଫାଶୀ ହେବା ପରେ ଦିଲ୍ଲୀ ପୁଲିସ୍ ବି ଖୁସି ହୋଇଛି। ଆଜି ତିହାର ଜେଲ୍ ବାହାରେ ଦିଲ୍ଲୀ ପୁଲିସ୍ ପକ୍ଷରୁ ମିଠା ବଣ୍ଟା ଯାଇଥିଲା। ଏମିତିକି କିଛି ମହିଳା ସାମାଜିକ କର୍ମୀ ମଧ୍ୟ ସେଠାରେ ମିଠା ବାଣ୍ଟି ଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।