ନୋଏଡ଼ା: ଥଣ୍ଡା ସାଙ୍ଗକୁ କୁହୁଡ଼ି ମୃତ୍ୟୁର କାରଣ ସାଜିଛି। ରାଜଧାନୀ ଦିଲ୍ଲୀରେ ଥିବା ଗ୍ରେଟର ନୋଏଡାରେ ଏହି କାରଣ ପାଇଁ ଗୋଟିଏ ପରିବାରର ୬ ଜଣଙ୍କ ମୃତ୍ୟୁ ଘଟିଛି। ବିଳମ୍ୱିତ ରାତିରେ ଏକ କାରରେ ପରିବାରର ଲୋକ ଯାଉଥିବା ବେଳେ ଏକ କେନାଲ ତଳକୁ ଖସି ପଡ଼ିଥିଲା। ଫଳରେ ୬ ଜଣଙ୍କର ମୃତ୍ୟୁ ଘଟିଛି। କାରରେ ମୋଟ ୧୧ ଜଣ ଥିଲେ।
ଗାଡ଼ିର ବେଗ ଅଧିକ ଥିଲା। କୁହୁଡ଼ି ପାଇଁ ରାସ୍ତା ଭଲ ଭାବରେ ଦେଖିପାରିନଥିଲା ଚାଳକ। ଫଳରେ କେନାଲ ତଳକୁ ଖସି ପଡ଼ିଛି। ମାରୁତି ସୁଜୁକିର ଏରଟିଗା କାରରେ ଗୋଟିଏ ପରିବାରର ୧୧ ଜଣ ନୋଏଡାର ସମ୍ଭଲରୁ ଦିଲ୍ଲୀ ଆସୁଥିଲେ। ଏହି ସମୟରେ ଦୁର୍ଘଟଣା ଘଟିଛି। ଗତକାଲି ରାତି ୧୧ଟା ୩୦ ମିନିଟ୍ ସମୟରେ ଏହି ଦୁର୍ଘଟଣା ଘଟିଛି। ଡାକ୍ତର ୬ ଜଣଙ୍କର ମୃତ୍ୟୁ ହୋଇଥିବା ଘୋଷଣା କରିଛନ୍ତି। ୫ ଜଣ ଏବେ ଗୁରୁତର ଅବସ୍ଥାରେ ଚିକିତ୍ସାଧୀନ ରହିଥିବା ସେ କହିଛନ୍ତି।
ପ୍ରାଥମିକ ତଦନ୍ତରୁ କୁହୁଡି ପାଇଁ ଏହି ଦୁର୍ଘଟଣା ଘଟିଥିବା ପୁଲିସ କହିଛି। ଦୁଇଟି ଗାଡ଼ିରେ ଦୁର୍ଘଟଣାର ଶିକାର ହୋଇଥିବା ପରିବାର ଲୋକେ ଦିଲ୍ଲୀ ଆସୁଥିଲେ। ଦ୍ୱିତୀୟ କାରଟି ଏରଟିଗା ପଛରେ ଆସୁଥିଲା। ମୃତକଙ୍କ ମଧ୍ୟରେ ଦୁଇ ଜଣ ନାବାଳକ ଥିବା ବେଳେ ଆଉ ୪ ଜଣଙ୍କ ବୟସ ୩୦ରୁ ଅଧିକ ରହିଛି ବୋଲି ପୁଲିସ କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
