ସଞ୍ଜୟ ରାଉତଙ୍କ ସ୍ତ୍ରୀକୁ ସମନ୍ କଲା ଇଡି

ମୁମ୍ୱାଇ: ଶିବସେନା ସାଂସଦ ତଥା ମୁଖପାତ୍ର ସଞ୍ଜୟ ରାଉତଙ୍କ ସ୍ତ୍ରୀ ବର୍ଷା ରାଉତଙ୍କୁ ସମନ୍ କରିଛି ଇଡି। ପିଏମସି ବ୍ୟାଙ୍କ ଘୋଟାଲା ମାମଲାର ତଦନ୍ତରେ ବର୍ଷାଙ୍କ ନାଁ ଆସିଥିବା ସୂଚନା ରହିଛି। ଏବେ ଡିସେମ୍ୱର ୨୯ରେ ବର୍ଷା ଇଡି ଅଫିସରେ ହାଜର ହୋଇ ପକ୍ଷ ରଖିବେ।

ସୂଚନାଯୋଗ୍ୟ, ସଞ୍ଜୟ ରାଉତଙ୍କ ନିକଟତମ ବ୍ୟକ୍ତି ପ୍ରବୀଣ ରାଉତଙ୍କୁ ନିକଟରେ ଇଡି ଦ୍ୱାରା ଗିରଫ ହୋଇଥିଲେ। ପ୍ରବୀଣ ରାଉତଙ୍କ ଆକାଉଣ୍ଟରୁ ବର୍ଷା ରାଉତଙ୍କ ଆକାଉଣ୍ଟକୁ ଟ୍ରାଞ୍ଜାକସନ ହୋଇଛି। ଏବେ ଏହି ଟ୍ରାଞ୍ଜାକସନକୁ ନେଇ ସନ୍ଦେହ କରିଛି ଇଡି। ତେଣୁ ବର୍ଷା ରାଉତଙ୍କୁ ସମନ କରିଛି ଇଡି।

ସଞ୍ଜୟ ରାଉତ ରାଜ୍ୟସଭା ସାଂସଦ ପାଇଁ ସତ୍ୟପାଠ ଦାଖଲ କରିବା ବେଳେ ସମାନ କଥା କହିଥିଲେ। ପ୍ରବୀଣଙ୍କ ଆକାଉଣ୍ଟରୁ ବର୍ଷାଙ୍କ ଆକାଉଣ୍ଟକୁ ଟଙ୍କା ନେଣଦେଣ ହୋଇଛି ବୋଲି ଉଲ୍ଲେଖ କରିଥିଲେ। ଏବେ ଏହି ନେଣଦେଣ ବାବଦରେ ଜାଣିବାକୁ ଇଡି ସମନ କରିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।