ନୂଆଦିଲ୍ଲୀ: କେବଳ ତିନୋଟି ସର୍ତ୍ତ ସହିତ ଚାଷୀମାନେ କେନ୍ଦ୍ର ସରକାର ସହିତ ଆଲୋଚନା କରିବାକୁ ରାଜି ହୋଇଛନ୍ତି। ଡିସେମ୍ବର ୨୯ରେ ସରକାରଙ୍କ ସହ ଆଲୋଚନା କରିବାକୁ ରାଜି ହୋଇଛନ୍ତି ଆନ୍ଦୋଳନରତ ଚାଷୀ। ଦିଲ୍ଲୀର ସିଙ୍ଗୁ ସୀମାରେ ୟୁନାଇଟେଡ୍ କିସାନ୍ ମୋର୍ଚ୍ଚାର ବୈଠକରେ ଏହି ନିଷ୍ପତ୍ତି ହୋଇଛି। ସ୍ୱରାଜ ଇଣ୍ଡିଆର ସଂଯୋଜକ ଯୋଗେନ୍ଦ୍ର ଯାଦବ କହିଛନ୍ତି ଯେ ଆମେ ଡିସେମ୍ବର ୨୯ ରେ ସକାଳ ୧୧ଟାରେ କେନ୍ଦ୍ର ସହିତ ଆଉ ଥରେ ଆଲୋଚନା ପାଇଁ ପ୍ରସ୍ତାବ ଦେଇଛୁ।
ଯଦି ସରକାର ସର୍ବନିମ୍ନ ସମର୍ଥନ ମୂଲ୍ୟ (ଏମଏସପି) ଉପରେ ଆଇନ ପ୍ରଣୟନ କରିବାକୁ ରାଜି ହେବେ, ତିନୋଟି ଆଇନକୁ ରଦ୍ଦ କରିବେ ଏବଂ ନଡ଼ା ଜାଳିବା ଏବଂ ପ୍ରସ୍ତାବିତ ବିଦ୍ୟୁତ ଅଧିନିୟମ ପରିବର୍ତ୍ତନ କରିବାକୁ ରାଜି ହେଲେ ଚାଷୀମାନେ ଡିସେମ୍ବର ୨୯ରେ ସରକାରଙ୍କ ସହ ଆଲୋଚନା କରିବାକୁ ରାଜି ବୋଲି ଚାଷୀ ସଂଘ କହିଛି। ଯଦି ସରକାର ରାଜି ନହେବେ ତେବେ ଡିସେମ୍ବର ୩୦ରେ ସମସ୍ତ ଟ୍ରାକ୍ଟର ସୀମାରେ ରୋଡ ମାର୍ଚ୍ଚ କରିବେ। ଜାନୁଆରୀ ୧ରେ ବନ୍ଦ ଡାକରା ଦେବେ ବୋଲି କହିଛନ୍ତି।
ଭାରତୀୟ କିସାନ ୟୁନିଅନର ଜାତୀୟ ମୁଖପାତ୍ର ରାକେଶ ଟିକାଇତ କହିଛନ୍ତି ଯେ ସମାଧାନ କୃଷକଙ୍କ ହାତରେ ନାହିଁ, ସରକାର ଏହାର ସମାଧାନ ଖୋଜିବେ। କୃଷକମାନେ ସେମାନଙ୍କର ଆନ୍ଦୋଳନକୁ ଶାନ୍ତିପୂର୍ଣ୍ଣ ଭାବରେ ଆୟୋଜନ କରୁଛନ୍ତି। ଯଦି କୃଷକ ହାରିବ, ତେବେ ସରକାର ହାରିବ ଏବଂ କୃଷକ ଜିତିଲେ, ସରକାର ଜିତିବେ। ଦିଲ୍ଲୀରେ ଚାଲିଥିବା ତିନୋଟି କୃଷି ଆଇନ ବିରୋଧରେ ଚାଲିଥିବା କୃଷକଙ୍କ ଆନ୍ଦୋଳନକୁ ସମର୍ଥନ କରି ଶନିବାର ପର୍ଯ୍ୟନ୍ତ ହରିୟାଣା-ରାଜସ୍ଥାନ ସୀମାରେ ୨,୦୦୦ ରୁ ଅଧିକ କୃଷକ ଏକାଠି ହୋଇଛନ୍ତି। ପୋଲିସ ଏ ସମ୍ପର୍କରେ ସୂଚନା ଦେଇଛି। ଅନ୍ୟପଟେ ଗୃହମନ୍ତ୍ରୀ ଅମିତ ଶାହ ଆସାମରେ ସମ୍ବୋଧନ କରି କହିଛନ୍ତି ଯେ ନୂଆ କୃଷି ଆଇନ ବିରୋଧରେ ଆନ୍ଦୋଳନ କରିଥିବା ଚାଷୀମାନେ ଆଲୋଚନା ମାଧ୍ୟମରେ ସେମାନଙ୍କ ସମସ୍ୟାର ସମାଧାନ କରିବା ଦରକାର।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
