ନୂଆଦିଲ୍ଲୀ: ଦିଲ୍ଲୀ ଜନ୍ତରମନ୍ତରରେ ଆୟୋଜିତ ‘ଗଣତନ୍ତ୍ର ବଞ୍ଚାଅ’ ରାଲିରେ କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି ଆଜି ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି।
ସେ କହିଛନ୍ତି, “ମୋଦି ଲୋକମାନଙ୍କୁ ଅଚ୍ଛେ ଦିନ କଥା କହୁଥିବା ବେଳେ ବର୍ତ୍ତମାନ ଦେଶରେ ୪୦ ପ୍ରତିଶତ ଜମି ଶୁଖିଲା ପଡ଼ିଛି। ଏ ବିଷୟରେ ଏନଡିଏ ସରକାରଙ୍କ ପାଖରେ ଲୋକମାନଙ୍କୁ କହିବାକୁ କିଛି ନାହିଁ।”
ସେ ଆହୁରି ମଧ୍ୟ କହିଛନ୍ତି, ‘‘ସବୁବେଳେ ୫୦ରୁ ଅଧିକ ଚାଷୀ ଆତ୍ମହତ୍ୟା କରୁଛନ୍ତି, ମହାରାଷ୍ଟ୍ର ଓ ବୁନ୍ଦେଲଖଣ୍ଡରେ ଭୟଙ୍କର ମରୁଡି ପରିସ୍ଥିତି ଦେଖାଯାଇଛି। କିନ୍ତୁ ଏକଥା ବୁଝିବାକୁ କାହାର ସମୟ ନାହିଁ।”
ସେ କହିଛନ୍ତି, “ମୋଦି ୨କୋଟି ଯୁବକଙ୍କୁ ଚାକିରି ଦେବାକୁ କହିଥିଲେ। କିନ୍ତୁ ବର୍ତ୍ତମାନ ସୁଦ୍ଧା ୧.୩ଲକ୍ଷ ଲୋକଙ୍କୁ ଚାକିରି ମିଳିଛି।”
ଉତ୍ତରାଖଣ୍ଡରେ ରାଷ୍ଟ୍ରପତି ଶାସନ ପ୍ରସଙ୍ଗରେ ନେଇ ରାହୁଲ ଗଣତନ୍ତ୍ରକୁ ହତ୍ୟା କରାଯାଉଛି ବୋଲି କହିଥିଲେ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
