ନୂଆଦିଲ୍ଲୀ: କରୋନା ପ୍ରଭାବିତ ଦେଶ ତାଲିକାରେ ଭାରତ ପଞ୍ଚମ ସ୍ଥାନରେ ପହଞ୍ଚିଛି। ଆମେରିକାର ଜନ୍ ହାପକିନ୍ସ ବିଶ୍ୱବିଦ୍ୟାଳୟର ତଥ୍ୟ ଅନୁଯାୟୀ, ଲଗାତର ଚାରି ଦିନ ଧରି ଭାରତରେ କରୋନା ସଂକ୍ରମିତ ସଂଖ୍ୟା ବୃଦ୍ଧି ପାଇବା ପରେ ଭାରତ ଏହି ସ୍ଥାନରେ ପହଞ୍ଚିଛି। ମାତ୍ର ୨୪ ଘଣ୍ଟାରୁ କମ୍ ସମୟ ମଧ୍ୟରେ ଭାରତ ଇଟାଲୀ ଏବଂ ପରେ ସ୍ପେନକୁ ଅତିକ୍ରମ କରି ପଞ୍ଚମ ସ୍ଥାନରେ ପହଞ୍ଚିଛି। ଏବେ ଭାରତ ଉପରେ ଆମେରିକା, ବ୍ରାଜିଲ, ଋଷିଆ ଏବଂ ବ୍ରିଟେନ ରହିଛି। ବିଶ୍ୱବିଦ୍ୟାଳୟର ତଥ୍ୟ ଅନୁଯାୟୀ ସ୍ପେନରେ ସଂକ୍ରମିତଙ୍କ ସଂଖ୍ୟା ୨,୪୧,୩୧୦ ରହିଛି।
ଶନିବାର ସକାଳ ୮ ଟା ସୁଦ୍ଧା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁସାରେ ଦିନିକରେ ୯,୮୮୭ ଜଣ ସଂକ୍ରମିତ ହୋଇଥିବାବେଳେ ୨୯୪ ଜଣଙ୍କ ମୃତ୍ୟୁ ହୋଇଛି। ଲଗାତର ତୃତୀୟ ଦିନ ପାଇଁ ଦେଶ ୯,୦୦୦ ରୁ ଅଧିକ ମାମଲା ପଞ୍ଜିକୃତ କରିଛି। ଗତ ୨୪ ଘଣ୍ଟା ମଧ୍ୟରେ ୪,୬୧୧ COVID-୧୯ ରୋଗୀଙ୍କ ସହିତ ମୋଟ ୧,୧୪,୦୭୩ ଲୋକ ସୁସ୍ଥ ହୋଇଛନ୍ତି ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି। ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ବର୍ତ୍ତମାନ ସୁଦ୍ଧା ପ୍ରାୟ ୪୮.୨୦ ପ୍ରତିଶତ ରୋଗୀ ସୁସ୍ଥ ହୋଇସାରିଛନ୍ତି।
ସ୍ୱାସ୍ଥ୍ୟ ମନ୍ତ୍ରଣାଳୟର ରିପୋର୍ଟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୧,୩୭,୯୩୮ ନମୁନା ସହିତ ଏପର୍ଯ୍ୟନ୍ତ ୪୫,୨୪,୩୧୭ ନମୁନା ପରୀକ୍ଷା କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
