ଚେନ୍ନାଇ: ମହାରାଷ୍ଟ୍ର ପରେ ଏବେ ତାମିଲନାଡୁରେ ଦେଖାଦେଇଛି ରାଜନୈତିକ ସଙ୍କଟ। ଏଆଇଏଡିଏମ୍କେ ଦଳରେ ସୃଷ୍ଟି ହୋଇଛି ଫାଟ। ଦୁଇ ବିରୋଧୀ ନେତା ଇଡ୍ଡାପଡୀ କେ.ପାଲାନିସ୍ୱାମୀ ଏବଂ ପନିରସେଲଭାମଙ୍କ ସମର୍ଥକ ମୁହାଁମୁହିଁ ହୋଇଛନ୍ତି। ଦ୍ୱାରା କାର୍ଯ୍ୟାଳୟ ଭିତରେ ତଥା ବାହାରେ ହିଂସା ଓ ଭଙ୍ଗାରୁଜା କରିବା ପରେ ସୋମବାର ଅଧିକାରୀମାନେ ତାମିଲନାଡୁରେ ଦଳର ମୁଖ୍ୟାଳୟକୁ ସିଲ୍ କରିଛନ୍ତି। ଏଥିସହ ପନିରସେଲଭାମଙ୍କୁ ଦଳରୁ ବହିଷ୍କାର କରାଯାଇଛି।
ଏହି ଘଟଣା ପରେ ପନିରସେଲଭାମ କୋର୍ଟର ଦ୍ୱରସ୍ଥ ହେବେ ବୋଲି କହିଛନ୍ତି। ଆଇନଗତ କାର୍ଯ୍ୟାନୁଷ୍ଠାନ ପାଇଁ ଦାବି କରିବେ ଏବଂ କର୍ମକର୍ତ୍ତାଙ୍କ ପାଇଁ ନ୍ୟାୟ ମାଗିବେ ବୋଲି ରୋକଠୋକ କହିଛନ୍ତି। ରାଜସ୍ୱ ଅଧିକାରୀମାନେ AIADMK ମୁଖ୍ୟାଳୟ ‘ଏମ୍ଜିଆର୍ ମାଲିଗାଇ’ କୁ ସିଲ୍ କରିଛନ୍ତି । ହିଂସାକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଛି ବୋଲି ଅଧିକାରୀମାନେ କହିଛନ୍ତି।
ବାସ୍ତବରେ, ପାଲାନିସ୍ୱାମୀ ଦଳର ସାଧାରଣ ପରିଷଦର ଏକ ବୈଠକ କରିବାକୁ ଚାହୁଁଥିଲେ, କିନ୍ତୁ ପନିରସେଭାମଙ୍କ ଦଳ ଏଥିରେ ସହମତ ନୁହଁନ୍ତି। ତେଣୁ ଏହି ବୈଠକ ସ୍ଥଗିତ ରଖିବା ପାଇଁ ମାଡ୍ରାସ ହାଇକୋର୍ଟରେ ଏକ ଆବେଦନ କରାଯାଇଥିଲା। ଯେତେବେଳେ ମାଡ୍ରାସ ହାଇକୋର୍ଟ AIADMK ର ସାଧାରଣ ପରିଷଦ ବୈଠକକୁ ଗ୍ରୀନ୍ ସିଗ୍ନାଲ ଦେଇଥିଲେ ସେତେବେଳେ ପନିରସେଲଭାମ ଏକ ଜୋରଦାର ଝଟ୍କା ଲାଗିଥିଲା। ଏହାପରେ ତାଙ୍କ ସମର୍ଥକମାନେ ବିରୋଧ କରିବାକୁ ଲାଗିଥିଲେ।
ଏହି ବୈଠକରେ ପାଲାନିସ୍ୱାମୀଙ୍କୁ AIADMK ର ମଧ୍ୟବର୍ତ୍ତୀକାଳୀନ ମୁଖ୍ୟ ସଚିବ ଭାବେ ନିଯୁକ୍ତ କରାଯାଇଛି। ଚାରି ମାସ ମଧ୍ୟରେ ମୁଖ୍ୟ ଶାସନ ସଚିବ ନିର୍ବାଚନ ହେବେ। ଏହି ବୈଠକରେ ପନିରସେଲଭାମଙ୍କୁ ଦଳରୁ ବାହାର କରିବା ପାଇଁ ମଧ୍ୟ ନିଷ୍ପତ୍ତି ନିଆଯାଇଛି।
ଉଲ୍ଲେଖଯୋଗ୍ୟ, ସୋମବାର ଉଭୟ ନେତାଙ୍କ ସମର୍ଥକଙ୍କ ମଧ୍ୟରେ ହିଂସା ଦେଖାଦେଇଥିଲା। ଏହା ପରେ ସେମାନେ ଅଭାଇ ଶାନମୁଗାମ ସାଲାଇରେ ଥିବା AIADMK ମୁଖ୍ୟାଳୟରେ ଭଙ୍ଗାରୁଜା କରିଥିଲେ । ପଲାନିସ୍ୱାମୀ ଶାସକ ଡିଏମକେର ପନିରସେଲଭମଙ୍କୁ “କୁକୁର” ବୋଲି କହିଥିଲେ। ହିଂସା ପାଇଁ ପନିରସେଲଭମ୍ଙ୍କୁ ସେ ଦାୟୀ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
