ପ୍ରଶ୍ନକାଳ ହଟାଇବା ନେଇ ସଂସଦରେ ସରକାରଙ୍କୁ ଘେରିଲେ ବିରୋଧୀ

ନୂଆଦିଲ୍ଲୀ: ଆଜି ସଂସଦର ମୌସୁମୀ ଅଧିବେଶନର ପ୍ରଥମ ଦିନ। ଅଧିବେଶନରୁ ପ୍ରଶ୍ନକାଳ ହଟାଇବା ନେଇ ବିରୋଧୀ ପ୍ରସଙ୍ଗ ଉଠାଇଥିଲେ। ଏଆଇଏମ୍ଆଇଏମ୍ ସାଂସଦ ଅସଦୁଦ୍ଦିନ ଓବେସୀ ଏ ନେଇ ସରକାରଙ୍କୁ ଘେରିଛନ୍ତି। ଏଭଳି ନିଷ୍ପତ୍ତି ସଂସଦରେ ଗଣତନ୍ତ୍ରର ହତ୍ୟା ବୋଲି ସେ କହିଛନ୍ତି।

ତେବେ ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି ଯେ ଏହି ନିଷ୍ପତ୍ତି ନେବା ପୂର୍ବରୁ ସମସ୍ତ ଦଳର ସହମତି ନିଆଯାଇଛି। ତେବେ କଂଗ୍ରେସର ସାଂସଦ, ତୃଣମୂଳ କଂଗ୍ରେସ ଏବଂ ଏଆଇଏମ୍ଆଇଏମ୍ ଏହି ନିଷ୍ପତ୍ତିକୁ ବିରୋଧ କରିଥିଲେ।

ଅସଦୁଦ୍ଦିନ ଓବେସୀ ପ୍ରଶ୍ନ କାଳ ପ୍ରସଙ୍ଗରେ ଭୋଟିଂ ଦାବି କରିଥିଲେ, ଯାହାକୁ ଲୋକସଭା ବାଚସ୍ପତି ପ୍ରତ୍ୟାଖ୍ୟାନ କରିଥିଲେ। କେବଳ ଏତିକି ନୁହେଁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମଧ୍ୟ ବିରୋଧୀଙ୍କୁ ଶାନ୍ତ କରିବାକୁ ଚେଷ୍ଟା କରି କହିତିଲେ ଯେ ସେ ଏହି ପ୍ରସଙ୍ଗରେ ଅନେକ ନେତାଙ୍କ ସହ ମଧ୍ୟ ସେ ଆଲୋଚନା କରିଛନ୍ତି।

ରାଜନାଥ ସିଂହ କହିଛନ୍ତି, ଏବେ ସାଧାରଣ ସ୍ଥିତି ନାହିଁ। ତେଣୁ ସଂସଦ ମାତ୍ର ଚାରି ଘଣ୍ଟା ବସିବ। ଏହି ସମୟ ମଧ୍ୟରେ ଅନେକ କାମ କରିବାକୁ ହେବ। ତେଣୁ ଶୂନ୍ୟକାଳ ପାଇଁ ସରକାର ଅନୁମତି ଦେଇଛନ୍ତି। ଯେଉଁଥିରେ ସାଂସଦମାନେ ତାରକା ପ୍ରଶ୍ନ ପଚାରିପାରିବେ ଏବଂ ଯାହାର ଉତ୍ତର ସରକାର ଦେବେ। ଏଥିସହ ଯଦି ଆପଣ ଉତ୍ତରରେ ସନ୍ତୁଷ୍ଟ ନୁହଁନ୍ତି ତେବେ ଆପଣ ମନ୍ତ୍ରୀଙ୍କୁ ପଚାରି ପାରିବେ ବୋଲି ସେ କହିଛନ୍ତି।

ଏହି ସମୟରେ ଓବେସୀ ସଂସଦରେ ପାଟିତୁଣ୍ଡ କରିଥିଲେ। କହିଥିଲେ ଯେ ଆମେ ଆମର ମତ ରଖିବାକୁ ଚାହୁଁଛୁ। ପ୍ରଶ୍ନକାଳ ପାଇଁ ଅନୁମତି ନ ଦେଇ ଆପଣ ସଂସଦର ଗଣତନ୍ତ୍ରକୁ ନଷ୍ଟ କରୁଛନ୍ତି। ଓବେସୀଙ୍କ ସମେତ ଟିଏମସି ସାଂସଦ କଲ୍ୟାଣ ବାନାର୍ଜୀ ମଧ୍ୟ ପ୍ରଶ୍ନକାଳ ବାତିଲକୁ ବିରୋଧ କରିଥିଲେ। ଆଜି ସକାଳ ୯ଟା ବେଳେ ଲୋକସଭା ଆରମ୍ଭ ହୋଇଥିଲା। ମୌସୁମୀ ଅଧିବେଶନର ପ୍ରଥମ ଦିନରେ ୩୫୯ ସଦସ୍ୟ ଲୋକସଭାର ଭାଗ ନେଇଥିଲେ। ସେହିଭଳି ୧୭ ସାଂସଦ ସୋମବାର କରୋନା ପଜିଟିଭି ବୋଲି ଜଣାପଡିଛି। ରହିବାର ୫ ଜଣ ଲୋକସଭା ସାଂସଦ କରୋନାରେ ଆକ୍ରାନ୍ତ ଥିବା ଜଣାପଡ଼ିଥିଲା।

ଆହୁରି ପଢ଼ନ୍ତୁ

ଦିଲ୍ଲୀ ଉପମୁଖ୍ୟମନ୍ତ୍ରୀ କରୋନା ସହିତ ଡେଙ୍ଗୁରେ ଆକ୍ରାନ୍ତ

ଶୁକ୍ରବାର ଏନସିବି ଆଗରେ ହାଜର ହେବେନି ଦୀପିକା

କୃଷି ବିଲକୁ ଜୋରଦାର ବିରୋଧ, ପଞ୍ଜାବରେ ରେଳ ରୋକ୍

କଙ୍ଗନାଙ୍କ ଯାଚିକା ନେଇ ସଞ୍ଜୟଙ୍କୁ ଜବାବ ମାଗିଲେ ହାଇକୋର୍ଟ

ବିଭିନ୍ନ ଠିକଣାରେ ରେଡ୍, ୭୦ କୋଟି ଟଙ୍କାର ବେଆଇନ୍ ସମ୍ପତ୍ତି ଠାବ

ପୂର୍ବତନ କ୍ରିକେଟର ଡିନ୍ ଜୋନ୍ସଙ୍କ ପରଲୋକ

ବିବାହକୁ ମାସେ ନ ପୁରୁଣୁ ପୁନମ ପାଣ୍ଡେଙ୍କ ବଡ଼ ନିଷ୍ପତ୍ତି

ଆଶ୍ଚର୍ଯ୍ୟଜନକ ଭାବେ ଟ୍ରେନ୍‌ ଟ୍ରାକ୍‌ରୁ ବର୍ତ୍ତିଗଲା ଦୁଇ ବର୍ଷ ବୟସ୍କ ବାଳକ!

ଲକଡାଉନ୍ ବେଳେ ନଦୀ ପାଣିର ମାନ ସେତେଟା ବୃଦ୍ଧି ପାଇନି

କରୋନା ପାଇଁ ଭାରତରେ ପ୍ରାୟ ୨ କୋଟି ଚାକିରି ହରାଇଲେଣି

ଅକ୍ଟୋବର ୨୨ ଯାଏ ବିଚାର ବିଭାଗୀୟ ହେପାଜତକୁ ଗଲେ ଉମର ଖାଲିଦ

ସମନ ପାଇବା ପରେ ଗୋଆ ଛାଡ଼ିଲେ ସାରା