ନିର୍ବାଚନ ପୂର୍ବରୁ ବିଜେପିକୁ ଝଟକା, ଇସ୍ତଫା ଦେଲେ ମନ୍ତ୍ରୀ  

ପାଣାଜି: ନିର୍ବାଚନ ପୂର୍ବରୁ ବିଜେପିକୁ ଝଟକା। ଇସ୍ତଫା ଦେଲେ ମନ୍ତ୍ରୀ। ଗୋଆରେ ବିଜେପି ନେତୃତ୍ୱାଧୀନ ସରକାରରୁ ବନ୍ଦର ମନ୍ତ୍ରୀ ମାଇକେଲ ଲୋବୁ କ୍ୟାବିନେଟ ପଦରୁ ଇସ୍ତଫା ଦେଇଛନ୍ତି। ସେ କହିଛନ୍ତି ଯେ, ଗୋଆରେ ବିଜେପି ଏତେ ଆଗକୁ ବଢ଼ିଯାଇଛି ଯେ, ତୃଣମୂଳସ୍ତରରେ ଥିବା କର୍ମୀ ଛୋଟ ହୋଇଯାଇଛନ୍ତି। ତେଣୁ ଦଳରୁ ସେମାନଙ୍କୁ କୋଣ ଠେସା କରାଯାଉଛି। ତେବେ ବିଦାୟ ବେଳେ ବିଜେପି ସହ ବିତାଇଥିବା ଲମ୍ବା ଯାତ୍ରାକୁ ମନେ ପକାଇ ସେ ଖୁସି ବ୍ୟକ୍ତ କରିଛନ୍ତି । […]

min

min

Tapas Behera
  • Published: Monday, 10 January 2022
  • Updated: 10 January 2022, 01:26 PM IST

Sports

Latest News

ପାଣାଜି: ନିର୍ବାଚନ ପୂର୍ବରୁ ବିଜେପିକୁ ଝଟକା। ଇସ୍ତଫା ଦେଲେ ମନ୍ତ୍ରୀ। ଗୋଆରେ ବିଜେପି ନେତୃତ୍ୱାଧୀନ ସରକାରରୁ ବନ୍ଦର ମନ୍ତ୍ରୀ ମାଇକେଲ ଲୋବୁ କ୍ୟାବିନେଟ ପଦରୁ ଇସ୍ତଫା ଦେଇଛନ୍ତି। ସେ କହିଛନ୍ତି ଯେ, ଗୋଆରେ ବିଜେପି ଏତେ ଆଗକୁ ବଢ଼ିଯାଇଛି ଯେ, ତୃଣମୂଳସ୍ତରରେ ଥିବା କର୍ମୀ ଛୋଟ ହୋଇଯାଇଛନ୍ତି। ତେଣୁ ଦଳରୁ ସେମାନଙ୍କୁ କୋଣ ଠେସା କରାଯାଉଛି। ତେବେ ବିଦାୟ ବେଳେ ବିଜେପି ସହ ବିତାଇଥିବା ଲମ୍ବା ଯାତ୍ରାକୁ ମନେ ପକାଇ ସେ ଖୁସି ବ୍ୟକ୍ତ କରିଛନ୍ତି ।

କିନ୍ତୁ ଦଳୀୟ କର୍ମୀମାନେ ବିଜେପି ସହ ଅସନ୍ତୁଷ୍ଟ ଥିବା ସେ କହିଛନ୍ତି। ସେ କହିଛନ୍ତି ଯେ ମୁଁ ଭୁଲ ହୋଇପାରେ। କିନ୍ତୁ ଦଳୀୟ କର୍ମୀମାନେ କିପରି ଅବହେଳିତ ଓ ନିଷ୍ପେସିତ ମୁଁ ମୋ ନିଜ ଆଖିରେ ଦେଖିଛି ଓ ସେମାନଙ୍କ କାହାଣୀ ଶୁଣିଛି ବୋଲି ସେ କହିଛନ୍ତି। ସେ କହିଛନ୍ତି ଯେ, ନିଜ ଦଳୀୟ କର୍ମୀମାନଙ୍କୁ ଅଣଦେଖା କରାଯାଉଛି। କିନ୍ତୁ ଅନ୍ୟ ଦଳର କର୍ମୀଙ୍କୁ ବେଶ ଆଦର କରାଯାଉଛି। ତେବେ ମାକକେଲ ମନ୍ତ୍ରୀ ପଦରୁ ଇସ୍ତଫା ଦେଇଥିବା ବେଳେ ଖୁବ ଶୀଘ୍ର ବିଧାୟକ ପଦରୁ ଇସ୍ତଫା ଦେବେ ବୋଲି ଜଣାପଡ଼ିଛି।

ଆଜି ଅପରାହ୍ନରେ ସେ ଦଳ ଛାଡ଼ିବେ ବୋଲି ସେ କହିଛନ୍ତି । ତେବେ ଅନ୍ୟ କୌଣସି ଦଳରେ ମିଶିବା ନେଇ ଯୋଜନା ନାହିଁ ବୋଲି ସେ କହିଛନ୍ତି । ସେ କଂଗ୍ରେସରେ ଯୋଗ ଦେବା ନେଇ ସଳୀୟ ସୂତ୍ରରୁ ସୂଚନା ମିଳୁଛି। ତେବେ ଆଗକୁ ଗୋଆରେ ବିଧାନ ସଭା ନିର୍ବାଚନ ଥିବାରୁ ମାଇକେଲ ଦଳ ଛାଡ଼ିବା ବିଜେପି ପାଇଁ ଝଟକା ବୋଲି କୁହାଯାଉଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Also Read