ସିବିଆଇ ରାଡାରରେ ଭାରତୀୟ ଅଲମ୍ପିକ୍‌ ସଂଘ ମୁଖ୍ୟ, ହକି ନାମରେ ଚଳୁ କରିଛନ୍ତି ଟଙ୍କା !

ନୂଆଦିଲ୍ଲୀ: ହକି ଖେଳ ନାମରେ ଲକ୍ଷାଧିକ ଟଙ୍କା ଚଳୁ କରିଥିବା ଅଭିଯୋଗ ହୋଇଛି। ଫସିଲେ ଭାରତୀୟ ଅଲମ୍ପିକ୍‌ ସଂଘ ମୁଖ୍ୟ । ସିବିଆଇ ରାଡ଼ାରକୁ ଆସିଛନ୍ତି ଭାରତୀୟ ଅଲମ୍ପିକ୍‌ ସଂଘ ମୁଖ୍ୟ । ଭାରତୀୟ ଅଲମ୍ପିକ୍‌ ସଂଘର ସଭାପତି ନରିନ୍ଦର ବାତ୍ରାଙ୍କ ବିରୋଧରେ କେନ୍ଦ୍ରୀୟ ତଦନ୍ତ ସଂସ୍ଥା ସିବିଆଇ ପ୍ରାଥମିକ ତଦନ୍ତ ଆରମ୍ଭ କରିଛି। ହକି ଇଣ୍ଡିଆ ପାଇଁ ମଞ୍ଜୁର ହୋଇଥିବା ଅର୍ଥକୁ ସେ ଆତ୍ମସାତ୍‌ କରିଥିବା ଅଭିଯୋଗ ହୋଇଛି । ୩୫ ଲକ୍ଷ ଟଙ୍କା ଚଳୁ କରିବା ନେଇ ବାତ୍ରାଙ୍କ ନାମରେ ଅଭିଯୋଗ ହୋଇଥିଲା।

ହକି ଇଣ୍ଡିଆର ଉନ୍ନତି ଏବଂ ହକି ଖେଳାଳିଙ୍କ ପ୍ରୋତ୍ସାହନ ନାମରେ ବାତ୍ରା ଲକ୍ଷାଧିକ ଟଙ୍କା ହଡ଼ପ କରିଥିବା ଅଭିଯୋଗ ହୋଇଛି। ଏହି ଟଙ୍କାକୁ ସେ ନିଜ ସ୍ୱାର୍ଥ ପାଇଁ ଖର୍ଚ୍ଚ କରିଛନ୍ତି। ତେବେ ଏହି ଦୁର୍ନୀତିରେ ଆଉ କିଛି ଅଫିସର ଏବଂ ଅଜଣା ବ୍ୟକ୍ତି ସାମିଲ ଥିବା ପ୍ରାଥମିକ ଯାଞ୍ଚରୁ ଜଣାପଡ଼ିଛି। ୨୦୧୯ରୁ ବାତ୍ରା ହକିଇଣ୍ଡିଆ ସହ ଜଡ଼ିତ ହୋଇଥିଲେ ।

ତେବେ ତାଙ୍କ ନାମରେ ଦୁର୍ନୀତି ଅଭିଯୋଗ ଆସିବା ପରେ ସିବିଆଇ ପ୍ରାଥମିକ ଯାଞ୍ଚ କରିଛି। ଯଦି ତାଙ୍କ ବିରୋଧରେ କିଛି ପ୍ରମାଣ ଆସେ ତେବେ ସିବିଆଇ ମାମଲା ରୁଜୁ କରି ଗିରଫ କରିବା  ସମ୍ଭାବନା ରହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।