କୋଡାଲୁରୁ(ତାମିଲନାଡ଼ୁ) ଅଭାବନୀୟ ଘଟଣା। ରବିବାର ୭ ଜଣ ଯୁବତୀଙ୍କ ସଲିଳ ସମାଧି ଘଟିଛି। ତାମିଲନାଡ଼ୁର କୋଡାଲୁରୁ ନିକଟରେ ଗାଡିଲାଲ ଚେକ ଡ୍ୟାମରେ ଏହି ଅଘଟଣ ଘଟିଛି। ଚେକଡ୍ୟାମରେ ଗାଧଉଥିବା ବେଳେ ୭ ଜଣଙ୍କ ଜୀବନ ଯାଇଛି। ମୃତଦେହଗୁଡ଼ିକୁ ଉଦ୍ଧାର କରାଯାଇଛି। ରବିବାର ବହୁ ଳୋକେ ଏହି ଡ୍ୟାମରେ ମଜା ନେବାକୁ ଏକାଠି ହୋଇଥିଲେ। ସେମାନେ ଏହି ଜଳଭରା ଡ୍ୟାମରେ ପହଁରୁଥିଲେ। ପ୍ରଥମେ ୨ ଜଣ ଝିଅ ପହଁରୁ ପହଁରୁ ଗଭୀର ଜଳକୁ ଭାସିଯାଇଥିଲେ। ସେମାନେ ବଞ୍ଚାଅ ବଞ୍ଚାଅ କହି ଚିତ୍କାର କରିଥିଲେ।
ସେମାନଙ୍କୁ ବଞ୍ଚାଇବାକୁ ଆଉ ୫ ଜଣ ଯୁବତୀ ଯାଇଥିଲେ। ହେଲେ ଦୁର୍ଭାଗ୍ୟବଶତଃ ସମସ୍ତ ୭ ଜଣଙ୍କ ଗଭୀର ଜଳରେ ବୁଡ଼ି ମୃତ୍ୟୁ ଘଟିଥିଲା। ମୃତକଙ୍କ ବୟସ ୧୨ରୁ ୧୯ ମଧ୍ୟରେ ହେବ। ମୃତ ଦେହଗୁଡ଼ିକୁ ଉଦ୍ଧାର କରାଯାଇ ନିକଟସ୍ଥ ମେଡିକାଲକୁ ନିଆଯାଇଛି। ପୁଲିସ ଘଟଣାର ତଦନ୍ତ ଆରମ୍ଭ କରିଛି। ତାମିଲନାଡ଼ୁ କୃଷିମନ୍ତ୍ରୀ ଘଟଣାର ଦୁଃଖ ପ୍ରକାଶ କରିବା ସହ ଶୋକସନ୍ତପ୍ତ ପରିବାର ପ୍ରତି ସମବେଦନା ଜଣାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
