ଲଣ୍ଡନ: ଇରାକ ଓ ସିରିଆରେ ସଂହାରଲୀଳା ଚଳାଇଥିବା ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ୍ ବା ଆଇଏସର ୨୫୦ରୁ ଅଧିକ ଆତଙ୍କବାଦୀଙ୍କୁ ମାରି ଥିବା ନେଇ ଦାବି କରିଛି ଇରାକ ସେନା। ଗତ କିଛି ଦିନ ମଧ୍ୟରେ ଏହି ଆତଙ୍କବାଦୀ ସଂଗଠନର ୨୫୦ରୁ ଅଧିକ ସଦସ୍ୟଙ୍କୁ ମାରି ଦିଆଯାଇଛି ବୋଲି ଇରାକ ସେନାର ବରିଷ୍ଠ ଅଧିକାରୀ ଲେଫ୍ଟନାଣ୍ଟ ଜେନେରାଲ ଅବଦୁଲ ଅମୀର ଅଲ ଶାମରୀ ଏହି ଦାବି କରିଛନ୍ତି। ସେ କହିଛନ୍ତି, ଇରାକର ସ୍ଥଳ ଓ ବାୟୁସେନାର ମିଳିତ ଆକ୍ରମଣରେ ଏହି ସଫଳତା ମିଳିଛି।
ଯଦି ଖବରଟି ସଠିକ ହୋଇଥାଏ, ତା’ହେଲେ ଇରାକ ଓ ସିରିଆରେ ସଂହାରଲୀଳା ଚଳାଇଥିବା ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ୍ ବା ଆଇଏସକୁ ନିଶ୍ଚିତ ବଡ଼ ଝଟ୍କା ଲାଗିଥିବ।
ସେହିପରି ଗତ ବୁଧବାରଠାରୁ ଆମେରିକା ବାୟୁସେନାର ଯୁଦ୍ଧ ବିମାନଗୁଡ଼ିକ ଆଇଏସ ଉପରେ ୧୬ ଥର ଆକାଶମାର୍ଗରୁ ଆକ୍ରମଣ କରିଛନ୍ତି ବୋଲି ଜଣାପଡ଼ିଛି। ଇରାକ ଓ ସିରିଆରେ ଥିବା ଆଇଏସର ବିଭିନ୍ନ ଆଡ୍ଡା ଉପରେ ଏହି ଆକ୍ରମଣ କରିଥିଲା ଆମେରିକା ନେତୃତ୍ୱାଧୀନ ମିଳିତ ସେନା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
