କୋଟା: ଜବାହରଲାଲ ନେହରୁ ବିଶ୍ୱବିଦ୍ୟାଳୟ (ଜେଏନ୍ୟୁ) ପାଖରେ ୮୨ ଜଣ ବିଦେଶୀ ଛାତ୍ରଛାତ୍ରୀଙ୍କ ଜାତୀୟତା ବାବଦରେ କୌଣସି ତଥ୍ୟ ନାହିଁ। ଅର୍ଥାତ ମୋଟ ୩୦୧ ବିଦେଶୀ ଛାତ୍ରଛାତ୍ରୀଙ୍କ ମଧ୍ୟରୁ ୮୨ ଜଣ କେଉଁ ଦେଶରୁ ଆସିଛନ୍ତି ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଜାଣିନାହାନ୍ତି। ଆରଟିଆଇ ଯୋଗେ ଏଭଳି ତଥ୍ୟ ମିଳିପାରିଛି।
ଏକ ଆରଟିଆଇର ଉତ୍ତରରେ ଜେଏନ୍ୟୁ ବିଶ୍ୱବିଦ୍ୟାଳୟ ପକ୍ଷରୁ କୁହାଯାଇଥିଲା, ମୋଟ ୮,୮୦୫ ଛାତ୍ରଛାତ୍ରୀଙ୍କ ମଧ୍ୟରୁ ୪୮% ଏମ୍ଫିଲ ବା ପିଏଚ୍ଡି କରୁଛନ୍ତି। କୋଟାର ସୁଜିତ ସ୍ୱାମୀଙ୍କ ଆରଟିଆଇରେ ୨୦୧୯ ମସିହା ସେପ୍ଟେମ୍ବରର ଏହି ତଥ୍ୟ ମିଳିଛି।
କର୍ତ୍ତୃପକ୍ଷଙ୍କ ସୂଚନା ଅନୁଯାୟୀ ମୋଟ ୩୦୧ ବିଦେଶୀ ଛାତ୍ରଛାତ୍ରୀଙ୍କ ମଧ୍ୟରୁ ୮୨ ଜଣ କେଉଁ ଦେଶରୁ ଆସିଛନ୍ତି ତାହା ଜଣାନାହିଁ। ଏମାନେ ୪୧ଟି ଗ୍ରାଜୁଏସନ୍, ପିଜି, ଏମ୍ଫିଲ ଏବଂ ପିଏଚ୍ଡି ଆଦି ପାଠ୍ୟକ୍ରମରେ ପଢ଼ୁଛନ୍ତି। ଜେଏନ୍ୟୁରେ ଏବେ ୩୫ କୋରିଆନ୍, ନେପାଳରୁ ୨୫, ଚାଇନାରୁ ୨୪, ଆଫଗାନିସ୍ତାନରୁ ୨୧, ଜାପାନରୁ ୧୬, ଜର୍ମାନୀରୁ ୧୩, ଆମେରିକାରୁ ୧୦ ଏବଂ ସିରିଆ ଓ ବାଂଲାଦେଶରୁ ୭ ଜଣ ଲେଖାଏ ଛାତ୍ରଛାତ୍ରୀ ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
