ନୂଆଦିଲ୍ଲୀ: କାଶ୍ମୀର ହିଂସା ନେଇ ସର୍ବଦଳୀୟ ବୈଠକ ଡାକିବାକୁ ଆଜି ରାଜ୍ୟସଭାରେ କଂଗ୍ରେସ ନେତା ଗୁଲାମ ନବୀ ଆଜାଦ୍ ଦାବି କରିବା ପରେ ଏହା ଉପରେ ଗୃହମନ୍ତ୍ରୀ ରାଜନାଥ ସିଂ ଉତ୍ତର ରଖିଛନ୍ତି। ସେ କହିଛନ୍ତି, “କାଶ୍ମୀର ଘାଟିର ସ୍ଥିତି ଗମ୍ଭୀର ରହିଛି। ଆମେ ଏହି ପ୍ରସଙ୍ଗ ଉପରେ ଚର୍ଚ୍ଚା ପାଇଁ ପ୍ରସ୍ତୁତ ଅଛୁ। ସମସ୍ତଙ୍କ ସହଯୋଗରେ କାଶ୍ମୀର ସମସ୍ୟା ଦୂର ହେବ।”
ବରିଷ୍ଠ ବିଜେପି ନେତା ମୁଖତାର୍ ଆବାସ୍ ନକବୀ କହିଛନ୍ତି, “ଆସନ୍ତାକାଲି ଅପରାହ୍ନ ୨ଟା’ରେ ରାଜ୍ୟସଭାରେ ଏ ପ୍ରସଙ୍ଗରେ ଆଲୋଚନା ହେବ।”
ସବୁ ଦଳର ନେତା କାଶ୍ମୀର ଘାଟିକୁ ଯାଆନ୍ତୁ ଓ ଏହି ସମସ୍ୟାର କିପରି ସମାଧାନ ହେବ ସେ ନେଇ ଆଲୋଚନା କରନ୍ତୁ ବୋଲି ଗୁଲାମ୍ ନବି ଆଜାଦ୍ ଆଜି ରାଜ୍ୟସଭାରେ କହିଛନ୍ତି।
ସେହିପରି ସମାଜବାଦୀ ପାର୍ଟି ସାଂସଦ ନରେଶ ଅଗ୍ରୱାଲ କହିଛନ୍ତି, “ଏହା ଏକ ଗୁରୁତର ସମସ୍ୟା। ଆଜି ହିଁ ଏହା ଉପରେ ଚର୍ଚ୍ଚା କରାଯାଉ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
