ମୁମ୍ବାଇ: ମହାରାଷ୍ଟ୍ରର ମରୁଡ଼ି ପ୍ରଭାବିତ ଅଞ୍ଚଳରେ ଟ୍ୟାଙ୍କର ପାଣି ବିକ୍ରି କରାଯିବା ନେଇ ଏକ ଗଣମାଧ୍ୟମର ଷ୍ଟିଙ୍ଗ ଅପରେସନ ପରେ ରାଜ୍ୟ ସରକାର ତତ୍ପର ହୋଇ ଉଠିଛନ୍ତି। ଏହି ଘଟଣାରେ ବିଡ଼ ପଞ୍ଚାୟତ ସମିତିର ଦୁଇ ଜଣ କର୍ମଚାରୀଙ୍କୁ ନିଲମ୍ବିତ କରି ଦିଆଯାଇଛି। ଏହାସହ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ୍ ଘଟଣାର ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି।
ଫଡନଭିସ୍ କହିଛନ୍ତି, “ଏହି ଘଟଣାରେ ଯିଏ ବି ସମ୍ପୃକ୍ତ ଥିବେ, କାହାରିକୁ କ୍ଷମା କରାଯିବ ନାହିଁ। ଘଟଣାର ତଦନ୍ତ ନିର୍ଦ୍ଦେଶ ଦିଆ ସରିଛି। ଜିଲ୍ଲା ଅଧିକାରୀମାନଙ୍କୁ ଏପରି ବେଆଇନ କାରବାର ଉପରେ ନଜର ରଖିବାକୁ ନିର୍ଦ୍ଦେଶ ଦେଇଛି।”
ମହାରାଷ୍ଟ୍ର ସରକାରଙ୍କ ଜଳ ସଂସାଧନ ମନ୍ତ୍ରୀ ଗିରୀଶ ମହାଜନ କହିଛନ୍ତି, “ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ। ଷ୍ଟିଙ୍ଗ ଅପରେସନର ଭିଡିଓ ମୁଁ ଦେଖିଛି। ମରାଠାୱାଡା ଅଞ୍ଚଳରେ ଯେଉଁଠି ଭୟଙ୍କର ମରୁଡି ପଡିଛି ଓ ଜଳଉତ୍ସଗୁଡିକ ଶୁଖିଲା ପଡିଛି, ସେ ଅଞ୍ଚଳରେ ଏପରି ବେଆଇନ କାର୍ଯ୍ୟକୁ ବରଦାସ୍ତ କରାଯିବ ନାହିଁ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
