କୋଲକାତା: ପୁଣିଥରେ ଚର୍ଚ୍ଚାରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ। ଏଥର କୌଣସି ରାଜନୀତିକ ବୟାନ କିମ୍ବା ଘଟଣାକୁ ନେଇ ସେ ଚର୍ଚ୍ଚାକୁ ଆସି ନାହାନ୍ତି। ବରଂ ଷ୍ଟେଜ୍ ଉପରେ ଅନ୍ୟ କଳାକାର ସହ ମିଶି ଦମଦାର ନୃତ୍ୟ ପରିବେଶଣ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ମମତା ଷ୍ଟେଜ ଉପରେ ନାଚିବା ବେଳର ଭିଡିଓ ମଧ୍ୟ ଏବେ ଭାଇରାଲ ହେବାରେ ଲାଗିଛି।
କୋଲକାତାରେ ଆରମ୍ଭ ହୋଇଥିବା ସଙ୍ଗୀତ ମହୋତ୍ସବରେ ମୁଖ୍ୟ ଅତିଥି ଭାବେ ମମତା ବାନାର୍ଜୀ ଯୋଗଦେଇଥିଲେ। ଏହି ସମୟରେ ସେ ପାରମ୍ପରିକ କଳାରେ ନିୟୋଜିତ କଳାକାରଙ୍କୁ ସମ୍ମାନିତ କରିଥିଲେ। ଏମାନଙ୍କ ମଧ୍ୟରେ ସାନ୍ତାଳି ନୃତ୍ୟଶିଳ୍ପୀ ବାସନ୍ତୀ ହେମ୍ବ୍ରମ ମଧ୍ୟ ରହିଥିଲେ। ମମତା ତାଙ୍କୁ ପ୍ରଥମେ ସମ୍ମାନିତ କରିଥିଲେ। ଏହି ସମୟରେ ସେ ମମତାଙ୍କୁ ତାଙ୍କ ସହ ପାଦରେ ପାଦ ମିଶାଇ ନାଚିବାକୁ ଅନୁରୋଧ କରିଥିଲେ।
https://youtu.be/B3Fdu8di6uo
ମୁଖ୍ୟମନ୍ତ୍ରୀ ମଧ୍ୟ ତାଙ୍କ କଥା ରଖିଥିଲେ ଓ ଏଥିପାଇଁ ସାନ୍ତାଲି ଗୀତ ମଧ୍ୟ ବାଜିଥିଲା। ଏହା ଶୁଣିବା କ୍ଷଣୀ ଗୀତର ତାଳେତାଳେ ମମତା ଓ ବାସନ୍ତୀଙ୍କ ସମେତ ଷ୍ଟେଜ ଉପରେ ଥିବା ଅନ୍ୟ ଅତିଥିମାନେ ବି ନାଚିବା ଆରମ୍ଭ କରିଥିଲେ। ମମତାଙ୍କ ଏହି ସାନ୍ତାଳି ନାଚର ଭିଡିଓକୁ ସୋଶାଲ ମିଡିଆରେ ଅନେକ ପ୍ରଶଂସା କରୁଛନ୍ତି। ସେହିପରି କିଛି ଲୋକ ମଧ୍ୟ ଏହାକୁ ସମାଲୋଚନା କରିଛନ୍ତି।
We saw her art 😂....her meaningless poem 🤯
Now see her dance 🤣....And that's the way #MamtaBanerjee become certified mad . pic.twitter.com/jukZUZ5YIz
— kuntal mandal (@kuntal28695281) December 24, 2020
ଅନ୍ୟପକ୍ଷରେ ଆସନ୍ତା ୪ ମାସ ମଧ୍ୟରେ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବ। ଏଥିପାଇଁ ଏବେ ଠାରୁ ହିଁ ବିଜେପି ଓ କ୍ଷମତାସୀନ ଟିଏମସି ମଧ୍ୟ ବାକଯୁଦ୍ଧ ଆରମ୍ଭ ହୋଇଛି। ଉକ୍ତ କାର୍ଯ୍ୟକ୍ରମରେ ମମତା ଷ୍ଟେଜ ଉପରେ ନାଚି ସମସ୍ତଙ୍କୁ ଚକିତ କରିଥିଲେ ହେଁ ବିଜେପିକୁ ସମାଲୋଚନା କରିବାକୁ ଭୁଲି ନଥିଲେ।
ସେ ନିଜର ସଂକ୍ଷିପ୍ତ ଭାଷଣରେ ବେଙ୍ଗଲକୁ କେବେ ହେଲେ ଗୁଜରାଟରେ ପରିଣତ କରାଯାଇ ପାରିବ ନାହିଁ ବୋଲି କହିଛନ୍ତି। ବିଜେପି ବାରମ୍ବାର ବେଙ୍ଗଲର ବିକାଶ ପାଇଁ ଗୁଜରାଟର ମଡେଲ ଆପଣା ଯିବ ବୋଲି କହୁଥିବାରୁ ମମତା ଏହାକୁ କାଉଣ୍ଟର କରିବା ପାଇଁ ଏପରି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
