ଇମ୍ଫାଲ: ମଣିପୁରର ଚାଣ୍ଡେଲ ଜିଲ୍ଲାରେ ଦୁଇଟି ପୃଥକ ପୃଥକ ସ୍ଥାନରେ ଆତଙ୍କବାଦୀଙ୍କ ଆକ୍ରମଣରେ ରାଜ୍ୟ ପୋଲିସ୍ର ଦୁଇ ଜଣ ଯବାନ ସହିଦ ହୋଇଥିବା ବେଳେ ୮ ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ରହିଛି। ସହିଦ ସୁରକ୍ଷାକର୍ମୀ ଦ୍ୱୟ ହେଲେ ଆୟୁବ ଖାନ୍ ଓ ନାଗାରେଇ ମାରିଙ୍ଗ।
ପ୍ରଥମ ଘଟଣାଟି ସୀମାନ୍ତ ସହର ମୋରେଚ୍ଠାରୁ ୨୧ କିଲୋମିଟର ଦୂର ଲୋକଚାଓରେ ଘଟିଛି। ଏଠାରେ ଆତଙ୍କବାଦୀମାନେ ପୋଲିସ୍ର ଏକ ପାଟ୍ରୋଲିଂ ଟିମ୍ ଉପରେ ଆକ୍ରମଣ କରିବାରୁ ଦୁଇ ଜଣ ସୁରକ୍ଷାକର୍ମୀଙ୍କ ମୃତ୍ୟୁ ଘଟିଥିବା ବେଳେ ୭ ଜଣ ଆହତ ହୋଇଛନ୍ତି।
ଅନ୍ୟ ଘଟଣାଟି ଘଟିଛି ଜିଲ୍ଲାର ବୋଙ୍ଗୟାଙ୍ଗରେ। ସକାଳ ପ୍ରାୟ ସାଢ଼େ ଆଠଟା ବେଳେ ଆତଙ୍କବାଦୀଙ୍କ ଆକ୍ରମଣରେ ଜଣେ ସୁରକ୍ଷାକର୍ମୀ ଆହତ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
