ଇସଲାମାବାଦ୍: ପାକିସ୍ତାନରେ ରାଜନୀତି ଜୋର୍ ଧରିଛି। ପୂର୍ବ ପ୍ରଧାନମନ୍ତ୍ରୀ ନଓ୍ୱାଜ ଶରୀଫଙ୍କ ଜ୍ୱାଇଁ ସଫଦର ଏଓ୍ୱାନଙ୍କୁ ପୁଲିସ ଗିରଫ କରିଛି। ସଫଦର ନଓ୍ୱାଜ ଶରିଫଙ୍କ ଝିଅ ମରିୟମ ଶରିଫଙ୍କ ସ୍ୱାମୀ ତଥା ମୁସଲିମ୍ ଲିଗ୍ ନଓ୍ୱାଜ୍ (ପିଏମଏଲ୍-ଏନ୍)ର ନେତା। ପୁଲିସ ସେମାନେ ରହୁଥିବା ହୋଟେଲର କବାଟ ଭାଙ୍ଗି ସଫଦରଙ୍କୁ ଗିରଫ କରିଥିବା ମରିୟମ୍ କହିଛନ୍ତି।
Police broke my room door at the hotel I was staying at in Karachi and arrested Capt. Safdar.
— Maryam Nawaz Sharif (@MaryamNSharif) October 19, 2020
ସୂଚନାଯୋଗ୍ୟ, ମରିୟମ୍ ପ୍ରଧାନମନ୍ତ୍ରୀ ଇମ୍ରାନ୍ ଖାନଙ୍କ ବିପକ୍ଷରେ କରାଚିରେ ଆୟୋଜିତ ଏକ ରାଲିରେ ଯୋଗଦେଇ ଫେରିବା ପରେ ପରେ ପୁଲିସ ସଫଦରଙ୍କୁ ଗିରଫ କରିଛି। ପାକ୍ ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିବାକୁ ବିରୋଧୀ ଦଳଗୁଡ଼ିକ ଏକାଠି ହୋଇ ଏହି ରାଲିର ଆୟୋଜନ କରିଥିଲେ। ପିତା ନଓ୍ୱାଜଙ୍କୁ ପୁଣି କ୍ଷମତାକୁ ଫେରାଇ ଆଣିବାକୁ ଏବଂ ପ୍ରଧାନମନ୍ତ୍ରୀ ଇମ୍ରାନ୍ ଖାନଙ୍କୁ ଜେଲ ପଠାଇବାକୁ ରାଲିରେ ମରିୟମ୍ ଶପଥ ନେଇଥିଲେ।
Police arrests Safdar Awan, the husband of Pakistan Muslim League (N) leader, Maryam Nawaz Sharif from the hotel they were staying in Karachi.
She had recently participated in the protest by Opposition parties of Pakistan against their PM Imran Khan. pic.twitter.com/VrWgLC6VC6
— ANI (@ANI) October 19, 2020
ରବିବାର ଆୟୋଜିତ ଏହି ରାଲିରେ ମରିୟମ୍ ପାକ୍ ପ୍ରଧାନମନ୍ତ୍ରୀଙ୍କ ବିରୁଦ୍ଧରେ ଅଭିଯୋଗ ଆଣି କହିଛନ୍ତି, ଫେଡେରାଲ ଇନଭେଷ୍ଟିଗେସନ ଏଜେନ୍ସି, ଫେଡେରାଲ ବୋର୍ଡ ଅଫ୍ ରେଭେନ୍ୟୁ, ସିକ୍ୟୁରିଟିସ୍ ଆଣ୍ଡ୍ ଏକ୍ସେଞ୍ଜ କମିଶନ ଅଫ୍ ପାକିସ୍ତାନକୁ ଇମ୍ରାନ୍ ଖାନ୍ ନିଜ ଅଧୀନରେ ରଖିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
